Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Historia e krijimit, zhvillimit dhe mbylljes së platformës streaming
Muajin e kaluar Microsoft pa asnjë paralajmërim nxori njoftimin se platforma e streaming Mixer do të mbyllej. Ky njoftim i ardhur papritur ndikoi shumë në përdoruesit e kësaj platforme dhe sidomos tek streamers-at duke i lenë ata në kërkim të një platforme të re.
Kjo platformë u krijua nga Matthew Salsamendi dhe James Boehm në vitin 2016 nen emrin Beam. Disa muaj më vonë kjo platformë u ble nga Microsoft dhe u transformua në atë që njohim sot me emrin Mixer. Kjo platformë u shfaq edhe ne Xbox me qëllimin që të siguronte disa prej streamers-ave më të mëdhenj në botë. Mixer-i filloi të shfaqte rezultate duke sjelle vitin e kaluar në platformën e saj personazhe të njohur si Michael ‘shroud‘ Grzesiek dhe Tyler ‘Ninja‘ Blevins bashkë me shumë të tjerë. Edhe pse rritja që përfitoi kjo platformë nga këta streamers ishte e madhe, ajo nuk ishte e mjaftueshme. Kjo gjë solli në ketë njoftim të papritur të Mixer-it.
Shumë streamers të cilët kishin krijuar një komunitet dhe audiencë të tyren në ketë komunitet nuk e pritën mirë ketë gjë. Një pjesë të madhe prej tyre u shokuan nga ky lajm. Duhet ditur që një pjesë e madhe e streamers-ave të kësaj platforme e kanë streaming si një mënyrë jetese. Disa prej tyre tregojnë mundin e madh të tyre për t’u rritur në ketë platformë duke u shprehur se mbyllja e Mixer-it “do t’i kthej ata mbrapa në kohë”. Kalimi në platforma të tjera do të jetë i vështirë për ata sepse edhe në qoftë se i kërkon audiencës tënde të të ndjek në një platformë tjetër, kjo gjë do të jetë pothuajse e pamundur. Të konsiderohesh një streamer i vogël në Twitch të duhen 75 shikues në çdo kohë kurse në Mixer, 75 shikues është diçka e madhe.
Pavarësisht mbylljes Microsoft iu ofroi një zgjidhje të gjithë streamers-ave duke krijuar një partnership me Facebook Gaming. Kjo platformë e re iu ka ofruar streamers-ave para ne qoftë se ata kalojnë në platformën e tyre por është refuzuar nga një pjese e streamers-ave të Mixer-it. Me aq sa është kuptuar kjo platformë e re iu ka ofruar Ninja dhe Shroud dyfishin e parave të kontratës së tyre të vjetër por kjo gjë me sa duket është refuzuar nga të dy streamers-at.
Shumë streamers dhe përdorues të kësaj platforme janë shprehur se e vetmja gjë qe iu mungon është komuniteti i formuar prej tyre. Edhe pse Mixer-i nuk ishte një platformë streaming e madhe, ajo iu ofronte atyre një komunitet të ngjashëm me një familje.
