Twitch bën ban RiceGum pasi shfaqi të pasmet e modeles në stream

Ah more RiceGum çfarë ke bërë…

YouTuber-i dhe streamer-i RiceGum u bë ban nga Twitch për shkak të një momenti mjaft të sikletshëm në stream.

Pak pasi StreamerBans postoi në Twitter se kanali i RiceGum në Twitch është bërë ban, RiceGum postoi një tweet duke thënë se ndihej sikur po shkonte në burg dhe duhet ta lironin.

Ai gjithashtu tha se do të kalonte kohën që ishte bërë ban për të reflektuar mbi gabimet që kishte bërë.

Gjatë stream-it të tij të fundit, RiceGum foli me dy modele Instagrami, të cilat u puthën në stream. Ndërkohë që ai vazhdoi të bënte stream, ai hapi Instagram Live të një prej modeleve, ku dukeshin qartë të pasmet e saj.

RiceGum pyeti nëse kjo gjë lejohej duke i kërkuar chat-it që ta bënte clip këtë moment. Ai më pas kërkoi falje dhe vazhdoi të fliste për modelet duke i inkurajuar shikuesit të shkonin tek Live i tyre. Ai gjithashtu i shpërfilli shikuesit që i thanë se ai do të bëhej ban, duke thënë se ato po vishnin pantallona të shkurtra dhe se nuk do të bëhej ban për këtë gjë.

Mesa duket, Twitch kishte plane të tjera për RiceGum. Ende nuk dihet se për sa kohë ai është bërë ban.