Pse u bë ban Dr Disrespect nga Twitch? Çdo gjë që dimë deri tani

Misteri vazhdon të thellohet.

Në 26 qershor, një nga streamerat më të njohur në Twitch, Dr Disrespect, u bë ban në mënyrë të papritur nga platforma. Burime të shumta thonë se ky ban është i përhershëm. Ja çdo gjë që dimë deri më tani për situatën.

DR DISRESPECT BËHET BAN NË TWITCH

Pezullimi i adresës së Dr Disrespect u raportua fillimisht në Twitter nga adresa e StreamerBans. Pak pas kësaj Twitch vetë e sqaroi situatën duke thënë se ata marrin masat e nevojshme kur kanë prova se një anëtar i komunitetit të tyre është duke shkelur Community Guidelines ose Terms of Service, pavarësisht statusit ose suksesit të një anëtari.

Përtej të sqaruarit që Doc nuk ka respektuar Community Guidelines, nuk u dha asnjë shpjegim se çfarë kishte bërë ai ekzaktësisht. Nga çfarë dimë deri më tani është që thuhet se ky ban është i përhershëm dhe se nuk ka lidhje me DMCA.

KOMUNITETI I TWITCH REAGON NDAJ LAJMIT

Teksa lajmi për këtë ban u bë publik, miku i afërt i Beahm, TimTheTatman, reagoi për këtë në një transmetim live: “Kur fola me Doc, gjithçka që më tha ishte se po fliste me Twitch për të kuptuar se çfarë kishte ndodhur.”

Spekulimet u rritën edhe më shumë pasi streamerja dhe ish anëtarja e stafit të Twitch, ‘ShannonZKiller‘ tha se e dinte arsyen pas këtij ban-i dhe se kjo ishte diçka “serioze”:

“Nga burimet e mia: Doc ka marrë fund dhe jo vetëm në Twitch. E di përse dhe nuk mund ta them, por kjo është serioze.”

TWITCH RIMBURSON SUBSCRIPTIONS TË DR DISRESPECT

Pak orë pasi Two-Time Champion u bë ban, shikuesit filluan të raportonin se Twitch kishte rimbursuar abonimet e tyre në kanalin e tij, si edhe kishte hequr emotes-at e tij nga platforma.

Sado që ende mbetet të presim një konfirmim zyrtar për gjatësinë e këtij ban-i, shumë njerëz i interpretuan këto rimbursime sikur ban-i vërtet ishte i përhershëm.

MRS ASSASSIN FALENDERON FANSAT

Gruaja e Dr Disrespect, Mrs Assassin u shpreh përmes një story në instagram në datë 26 qershor. Në këtë deklaratë ajo i falenderoi fansat për “dashurinë, mbështetjen, forcën dhe mirësinë”.

Sado që ajo nuk përmendi asnjë detaj të mëtejshëm, ishte hera e parë që reagoi dikush nga kampi i Dr Disrespect. Mrs Assassin ka dalë shpesh në transmetimet e tij si një personazh shoqërues.

DR DISRESPECT MË NË FUND FLET HAPUR

Në mbrëmjen e 27 qershorit, një ditë pas pezullimit të tij nga Twitch, streamer-i më në fund e theu heshtjen me një deklaratë në Twitter.

“Champions Club, Twitch ende nuk më ka njoftuar për arsyen specifike pas vendimmarrjes së tyre,” shkruajti ai. “Ju jap dorën të gjithëve për mbështetjen që po tregoni gjatë kësaj kohe të vështirë.”

Ai gjithsesi nuk konfirmoi nëse thashethemet që bani ishte i përhershëm ishin të vërteta apo jo. Nëse Twitch ende nuk e ka njoftuar përse i ka bërë ban, do të thotë që edhe ata nga ana e tyre me shumë mundësi nuk e kanë përcaktuar akoma afatin.