Një ish punonjës i EA shpjegon pse Antoine Griezmann është bërë ban nga FIFA

Chukwuma Morah, një ish menaxher i komunitetit të EA për FIFA, ka zbuluar arsyet e çuditshme se pse Antoine Griezmann, sulmuesi për Barcelonën dhe Francën, pati një ban nga accounti i tij i FIFA.

Morah, i njohur online si ‘Chu Boi’ ka shërbyer si menaxheri i komunitetit të EA për FIFA përgjatë shumë viteve, përpara se të merrte vendimin që të tërhiqej nga roli i tij nga fundi i 2015s, pak javë pasi u lançua FIFA 15.

Ai tashmë punon në esports si menaxher i Manchester United dhe është gjithmonë prezent në të gjitha prezantimet e turnamenteve të FIFA. Në 18 tetor, Chu Boi kujtoi me humor kohët e EA, duke treguar një histori për një nga futbollistët më të njohur deri më sot.

Antonie Griezmann e ka deklaruar publikisht afeksionin e tij ndaj videolojërave, por në FIFA 15, duket se ka patur disa probleme. Chu Boi ka zbuluar se në fakt ai është bërë ban nga loja sepse ka blerë coins, diçka që EA nuk e toleron. Si duket Griezmann u mërzit shumë nga ky ban dhe mori në telfon zyrën e EA në Francë për të marrë lojtarët mbrapsht.

Gjithsesi kjo histori kishte edhe pasojat e saj, pasi shumë fansa të lojës filluan të thoshin se Griezmann ishte mbajtur me hatër, për shkak të statusit të tij si futbollist i famshëm. Chu Boi më tej sqaroi se Griezmann nuk ju lejua ti mbante monedhat, por thjesht ju kthyen lojtarët mbrapsht.

Pavarësisht shpjegimit, shumë përdorues të Twitter ishin të pakënaqur me EA, prej sjellies që ajo kishte treguar karshi Griezmann. Kjo sepse shumë lojtarë të tjerë, kanë marrë pasoja më të rënda për të njejtin vendim.

Gjithsesi historia mbetet pak gallatë po ta mendosh. Fakti që një nga futbollistët më të mëdhenj të botës është bërë ban në FIFA, si mund të mos qeshësh me këtë. Griezmann qartazi është shumë i dhënë pas lojës së EA, ndaj jemi të bindur që nuk i ka përsëritur më këto veprime.