Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Vetë Ninja ka reaguar rreth kësaj situate
Si një prej streamer-ave më të mëdhenj në botë, Ninja ka gjithmonë një shënjestër mbi ‘të, pasi lojtarët duan të krenohen se e kanë vrarë atë. Madje, disa prej tyre po fitojnë para duke e bërë këtë gjë.
Stream sniping ka qënë gjithmonë një problem, që kur platformat e streaming si Twitch filluan të bëheshin popullore gjatë viteve të fundit. Ky term i referohet lojtarëve të cilët shikojnë stream-in e dikujt për të zbuluar se ku ndodhen dhe më pas shkojnë ta vrasin atë. Kjo është diçka mjaft acaruese sidomos në lojëra battle royale, ku qëllimi është të mbijetosh sa më gjatë.
Ninja padyshim që ka hasur shumë stream snipers dhe shënjestrohet vazhdimisht nga ata. Madje, tashmë kanë filluar të vendosin edhe çmime për “kokat” e streamers.
Në një prej stream-eve të tij të fundit, partneri i Ninja Reverse2k shpjegon: “Ekziston një server në Discord për stream sniping, ku pronarët e serverit vendosin një çmim që të tjerët të të vrasin ty. Është budallallëk.”
Më pas, Reverse2k vazhdon: “Duhet të paguash që të hysh, pra ti paguan $10 dhe nëse të vrasin ty mund të fitojnë $100. Pra ata bëjnë stream snipe dhe nëse të vrasin, fitojnë $100.”
Reverse më pas shtoi se ekipi që i sulmoi ishin pjesë e këtij grupi dhe nuk kishin arritur ta bënin punën e tyre. Ninja e quajti këtë fenomen shumë të çuditshëm, por me shumë mundësi ai nuk ishte i surprizuar. Ai ka hasur shumë stream snipers, prandaj nëse mund të fitohen para, ai është hapi i rradhës.
Stream sniping mund të ndëshkohet me ban në lojëra si PUBG dhe Fortnite, ndërkohë që Twitch dhe platforma të tjera kanë rregulla për sa i përket kësaj dhe i bëjnë ban streamer-at që sulmojnë streamer-a të tjerë. Megjithatë, Mixer, platforma e Ninja, nuk e ndalon specifikisht këtë gjë.
