Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Si një person që e ka patur këtë punë më parë, duhet t’ja vëmë veshin.
Dr Disrespect është një nga streamer-at më të mëdhenj në Twitch dhe në fakt ka qenë prej vitesh. Ndaj nuk është ndonjë çudi e madhe që ai fiton shumë para përmes kësaj pune. Gjithsesi, përpara se streamer-i të fitonte popullaritet, ai ka punuar si një zhvillues lojërash në Sledgehammer Games, ku kryesisht ka punuar si dizajner i niveleve të Call of Duty.
Në varësi të kompanisë dhe pozicionit që ke, edhe zhvilluesit e lojërave fitojnë shumë para, të paktën në krahasim me karrierat e tjera. Gjithsesi sipas Dr Disrespect, paratë që ai merrte si një zhvillues nuk ishin asgjë në krahasim me fitimet që ka tani nga Twitch dhe sponsorat.
Siç mund ta dini, Doc ka punuar tek tuk në hartën e tij të Call of Duty: Modern Warfare, ndonjëherë edhe gjatë streameve. Gjithsesi, sado që ende ka interes në dizajnin dhe zhvillimin e videolojërave, ai nuk ka më dëshirë ti rikthehet asaj bote.
“Vërtet nuk më pëlqen të flas për situatën time financiare në stream.” Tha Doc kur një shikues e pyeti se sa para fitonte. “Ndoshta jeni duke pyetur disa gjëra shumë personale okay? Por kur jam duke bërë miliona dhe miliona duke bërë stream, në krahasim me $56,000 plus bonuse në tre vite punë në një projekt, llogaritë dalin pak ndryshe.”
Me numrin e subcribers të Dr Disrespect, ai mendohet të fitojë $100,000 në muaj vetëm nga Twitch. Kjo nuk është aspak një shumë e vogël dhe është vetëm maja e ajsbergut po të llogarisësh edhe sponsorat dhe donacionet. Shtojmë dhe pjesën që shumë zhvillues do të paguajnë sasi të mëdha parash që një streamer të transmetojë lojën e tyre dhe mund të krijoni një ide mbi të ardhurat e tij.
Sinqerisht, a mund ti vëmë dot faj përse nuk do të kthehet në botën e zhvillimit të lojërave?
