Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Dr Disrespect ka sugjeruar se mund të bashkohet me PewDiePie këtë javë, për të luajtur Among Us.
Edhe nëse dikush nuk ka luajtur akoma Among Us në këtë pikë, si puna ime përshembull, s’ka mundësi që të mos kenë dëgjuar. Është edhe më interesante kur personalitete të mëdha, si dy emrat në fjalë, bashkohen për ta luajtur lojën.
Në një transmetim të datës 8 nëntor, Dr Disrespect më në fund ju përgjigj fansave që po e kërkonin ta luante lojën.
“Diçka që dëgjoj shpesh është: ‘Kur do luash Among Us?’,” tha Doc.
Ai vijoi të thoshte se: nuk e ka luajtur kurrë, por pas një pauze shtoi se do e luante me PewDiePie javën e ardhshme. Gjithsesi tha se e gjitha ishte në dorën e fansave dhe se nuk ishte bërë akoma një plan konkret.
Nëse një stream i Among Us mes Dr Disrespect, PewDiePie dhe emrave të tjerë do të mbahej, padyshim që do të ishte diçka që do i tërhiqte vëmendjen shumë njerëzve. Plus duke marrë parasysh natyrën debatuese të lojës, kemi përshtypjen që do të krijohej një atmosferë shumë interesante.
Ndaj mbani një sy hapur nga kjo javë ose tjetra. Unë për vete s’do doja të humbja një bashkëpunim mes Pewds dhe Doc.
