Dr Disrespect bëhet përgjithmonë ban nga Twitch

Çfarë ka bërë Doc për ta merituar këtë?

Dr Disrespect është bërë ban nga Twitch për arsye që ende mbeten një mister.

Adresa në Twitter e StreamerBans, që ndjek automatikisht të gjithë bans që bëhen në platformë, postoi se Doc ishte bërë ban në 2:01 PM CT në datë 26 qershor.

Momentalisht është e paqartë se cilat janë arsyet pas këtij ban-i. Sipas Twitter-it të tij, ai supozohej që të transmetonte live dje, por kur futesh në kanalin e tij të Twitch, del i paaksesueshëm.

Ka gjasa që ky ban të jetë i lidhur me DMCA. Një valë e fundit e akuzave të DMCA në streamerat e Twitch ka goditur industrinë, duke i detyruar transmetuesit që të vendosin muzikë pa të drejta autori, ose përkundrazi të përballen me pasoja të rënda.

Doc është bërë më parë ban në verën e 2019s, por ajo ishte e përkohshme dhe më shumë si një pezullim i shkurtër. Ndëshkimi erdhi pasi ai solli kamerën e tij brenda tualetit në E3.

Një gazetar thotë se Dr Disrespect është bërë ban përgjithmonë nga Twitch. Ai nuk citoi një arsye përse, por tha se kjo gjë nuk ishte e lidhur me DMCA.

Twitch gjithashtu ka postuar një deklaratë përsa i përket këtij ban-i, por nuk ofron detaje se përse Dr Disrespect është bërë ban ose për sa kohë.

Gazetari i sipërpërmendur ka thënë se është informuar për arsyen e ban-it të tij, por se nuk ndjehet rehat ta thotë atë publikisht, pasi është një tematikë shumë sensitive. 

E gjitha kjo thjesht shton më shumë misterin rreth kësaj situate. Qëndroni të update-uar me website-in tonë për vazhdimin e kësaj historie.