Cyberpunk: Edgerunners zbulon se kur do vijë në Netflix

Gjatë vitit 2020, CD Projekt Red zbuloi se do të sillte një anime për lojën e saj Cyberpunk 2077. Dhe më në fund pas dy vitesh kemi një trailer dhe një datë se kur seria anime e kësaj loje do të transmetohet në Netflix.

Zbulimi u bë gjatë Geeked Week i cili na solli një trailer që na sjell përsëri në botën e Cyberpunk 2077. Trailer nis avash por pas disa skenave kaotike, ne mund të shohim pamjen e vërtetë të Night City. Gjithashtu mund të dallojmë lehtësisht se anime do të jetë R-Rated.

Cyberpunk: Edgerunners do të jetë një histori më vete nga Cyberpunk 2077 por kjo s’do të thotë që në të nuk do të gjejmë referenca nga loja. Anime do të ketë 10 episode dhe do të tregojë historinë e një “street punk” teksa bëhet një mercenar që njihen ndryshe si Edgerunners.

Kjo anime do të vij nga studioja e famshme Trigger, drejtuesi mbrapa Kill la Kill, Promare dhe Gurren Lagann, Hiroyuki Imaishi dhe gjithashtu me muzikë nga kompozitori Akira Yamaoka.

Cyberpunk: Edgerunners do të vijë në Netflix më 13 shtator sipas një informacioni të zbuluar së fundmi. Bashkë me të është zbuluar edhe një artwork i ri i cili na tregon më shumë rreth historisë dhe karaktereve.

Për çfarë flet historia e Cyberpunk: Edgerunners?

Cyberpunk: Edgerunners do të tregojë historinë e një djali të ri i cili po përpiqet të mbijetojë në Night City, një qytet i teknologjisë dhe ku çdo kush është i modifikuar falë kësaj teknologjie. Me asgjë për të humbur dhe një dëshirë për hakmarrje, ai zgjedh të modifikojë trupin e tij dhe të bëhet një edgerunner – një mercenar të jashtëligjshëm i njohur ndryshe si cyberpunk.

Personalisht trailer dhe artwork deri më tani bashkuar me punën e madhe nga studioja e animacionit, Trigger, na ka bërë goxha hype dhe mezi po presim që 13 shtatori të vijë.