Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Hitman është vendi ku vdekja vjen në mënyrat e saj më të larmishme. Qofshin këto mënyra tradicionale ose vërtet të veçanta dhe kreative. Hitman 2 u lançua në 13 nëntor për platformat PS4, Xbox One dhe PC. Loja, si edhe paraardhësit e tjerë ka tematikë dhunën ,por në mënyra mjaft tërheqëse dhe intriguese në të njejtën kohë.
Zakonisht nuk vlerësohen shumë rastet e përsëritjes së diçkaje, por Hitman 2 kryen një përjashtim në këtë pikë. Ky vazhdim për pak nuk ja doli të krijohej pas uljes së ritmit të shitjeve dhe ndarjes së negociatave me Square Enix në 2016. Por IO Interactive ngriti kokën lart, u bë partere me Warner Bros Entertainment dhe u kthye pas dy vitesh me një lojë Hitman më të rafinuar, zgjeruar dhe të këndshme se të parat.
Hitman i 2016 kishte një natyre episodike ku nivelet vinin nga një në muaj. Kjo nuk u preferua shumë nga publiku siç e shpjeguam edhe më lart. Hitman 2 gjithsesi nuk është i kësaj natyre. Në fakt mund të luani përmes çdo niveli të lojës, sipas renditjes që ju preferoni. Përveç kësaj dy lojërat janë gati identike.
Historia nuk ka ndonjë ndryshim të madh nga linja e saj tipike dhe kjo për arsye mëse të dukshme. Jo gjithmonë ndjen sfidimin e vërtetë që të mban në majë të gishtave, pasi në momente të caktuara të duket sikur ke përpara shënjestrat dhe mjetet e duhura për ti hequr qafe dhe kaq. Pra mund të priteshin disa devijime në historitë e trajtuara, kur marrim parasysh edhe hyrjet e reja që kjo lojë ka sjellë.
Dallimi i vërtetë bëhet te mjediset rrethuese. Në Hitman 2 prezantohen gjashtë prej tyre, secili me misionin e tij të rezervuar për Agent 47. Shkoni në Miami për të vrarë një CEO të ligë dhe vajzën e tij. Eksploroni periferitë e Vermontit për Blood Money ose Mumbain për një kriminel të maskuar si producent Bollywood-i.
Gameplay mban kurorën në Hitman 2. IO e ka paraqitur botën e tij më së miri, duke mos neglizhuar detajet, prezenca e të cilave reflekton ekselencën e shkrimtarëve dhe krijuesve të studios. Armiqtë janë të zgjuar dhe në shumicë që në fillim të lojës, ndaj mos e merrni shumë lehtë. Për t’ja dalë mbanë me sukses duhet që edhe ju të ndiqni të njejtën llogjikë, të jetë strategë dhe të qetë si një hitman i vërtetë.
Pjesa më argëtuese në Hitman 2 është balanca që ekziston mes absurditetit dhe të besueshmes. Mund të godasësh një plumb përmes shënjestrës tënde dhe të largohesh pa asnjë lloj gjurme, i padetektueshëm nga njeri, si një vrasës i vërtetë. Çdo nivel është si një kënd lojërash për eksperimente. Këtu Hitman 2 garanton një lloj argëtimi që vështirë të gjendet në ndonjë vend tjetër.
Në total loja është një paketë e plotë dhe Hitman 2 vjen më i kompletuar se paraardhësi i tij. Ka më pak përmbajtje në harta për të punuar, por kjo balancohet me shtimin e varietetit dhe opsioneve të ndryshme, që nuk qëndrojnë më thjesht në linjën e “vrasjes së një shënjestre”. Kjo e fundit e ndihmon shumë lojën të mos bjerë pre e monotonisë.
Hitman 2 ofron disa mode mëse argëtuese si Sniper Assassin, ku ju duhet të eleminoni shënjestrat nga një distancë e lartë me armën tuaj ose Ghost, një beta multiplayer që ju vendos në garë për të marrë sa më shumë vrasje. Më e bukura gjithsesi është “elusive target” i parë i lojës me protagonist të mrekullueshmin Sean Bean.
Për ju që jeni kuriozë, mund edhe ta gjeni veten duke riluajtur nivelet thjesht për të parë nëse mund të shënoni më mirë. Në disa raste do të gjeni mënyrën direkte dhe të shkurtër për të plotësuar misionin tuaj dhe kjo mund t’ju motivojë të tregoheni më kreative herës tjetër dhe të doni të shikoni se si mund të kishin shkuar situata të ndryshme. Është pikërisht ky opsion që kënaq një pjesë të mirë të përdoruesve.
Nëse hedh një sy mbrapa mund të shihni vërtetë se sa ka evoluar formula e Hitman në këtë vazhdim. E ardhmja e lëkundur e IO me Square Enix i shokoi të gjithë në të kaluarën, por me këtë punë IO e ka vërtetuar veten më së miri. Fakti se Hitman 2 po ecën kaq mirë, pavarësisht atij incidenti, tregon vërtet potencial jo vetëm për lojën, por edhe për pasardhësit e mundshëm të saj.
Konkluzion
Për fansat e Hitman e sigurtë që këtu do të ndjeheni sikur keni gjetur parajsën. Është deri tani loja më e mirë e serive të Hitman dhe ja u rekomandojmë nëse jeni të dhënë pas misterit dhe aventurës. Është pak zhgënjyese që IO nuk i ka marrë përsipër të gjitha shanset që mund të shpaloste në të, por gjithsesi puna që ka bërë mbetet e admirueshme.
