fbpx
fallout-76
Reviews

Fallout 76 Review

Le të përgatitemi që në fillim se ajo çfarë do të themi këtu nuk ka për të qenë e mirë. Deri diku rreziqe të tilla vijnë kur do të pasosh një hit si ai i Fallout, por ndonjëherë thjesht nuk ia del dot mbanë. Shprehja vazhdimi nuk është kurrë aq i mirë sa origjinali nuk mund të mishërohet më mirë se në Fallout 76. Fansat e Fallout do të kujtojnë kohët e vjetra dhe do të pyesin veten nëse do të ketë më një mundësi tjetër që do t’jua sjellë ato kujtime, sepse Bethesda këtë rradhë ka harruar komponentët kryesorë që i bënin ato lojëra të veçanta.

Fallout 76 është përpjekja e Bethesdës për një lojë Fallout multiplayer. Në anën narrative loja trajton banorët më të shkëlqyer dhe të qytetëruar të Valut 76, të cilët janë ngarkuar me detyrën e rikuperimit të Wasteland pas rënies së bombave nukleare. Fallout 76 gjithsesi nuk qëndron në kontakt me këtë tematikë.

fallout-76

Në mënyrë ironike kjo është mjaft e përshtatshme, pasi West Virginia Wasteland është praktikisht e shkretë kur vjen puna te lojtarët e tjerë. Harta është gjigande dhe serverat mund të proçesojnë vetëm 24 lojtarë për sesion. Sado që ti e di që lojtarët e tjerë janë aty, ti rrallherë i sheh ata. Zëre se po bredh vetëm.

Mënyra se si Fallout 76 menaxhon PvP është shumë jonatyrale. Lojtarët mund thjesht të godasin kë të duan duke ju ulur parametrat e ‘health’ dhe e vetmja mënyrë që të angazhohesh në një sfidë tamame është që lojtari tjetër të të kthejë zjarrin. Fillimisht ky tipar mendohej se do të shkaktonte shumë zënka, por askush nuk lodhet sepse nuk ka mjaftueshëm mundësi.

Sidoqoftë lojtarët e tjerë mund të ta vështirësojnë punën kur nisesh në një drejtim të panjohur. Fallout 76 ka një taktikë që ti sjell armiqtë e niveleve të larta në afërsinë tënde. Ti përshembull mund të jesh i nivelit të 15 dhe papritur sulmohesh nga ujqërit e nivelit të 60. Këto të fundit janë zakonisht dënime me vdekje.

Probleme të tilla shtrihen përgjatë gjithë lojës. Balanca është një element që mungon. Përshembull mbijetesa në West Virginia-n post-apokaliptike është sfiduese dhe e vështirë, gjithsesi për të qendruar gjallë në lojë duhet vetëm që të ushqehesh, hidratohesh dhe të shmangësh sëmundjet që mund të kapësh rrugës. Kjo sjell që gjithmonë të jesh duke qarkulluar vërdallë për ushqim, ujë dhe ilaçe që të mund ti përshtatesh çdo situate. Detyrimisht kto zënë mjaft hapësirë në inventarin tuaj. Armët dhe mburojat nga ana tjetër prishen kollaj dhe duhet të mbani gjithmonë pajisje rezervë, plus vend shtesë për ato që mblidhni gjatë rrugës.

Tipari Base Building mund të jetë ndër gjërat e pakta të mira që gjen në Fallout 76. Çdo lojtar ka një kamp portativ që teorikisht mund ta transportojnë ku të duan në hartë. Madje nëse jeni ambiciozë mund të ndërtoni edhe fortesa me disa kate dhe me sistem mbrojtjeje. Nevoja gjithsesi nuk ndjehet.

Duhet ta pranojmë se në pika të caktuara Fallout 76 mund të të japi ndjesinë e lojërave të mëparëshme dhe kjo është deri diku ngushëlluese, por këto pasazhe janë tepër të limituara. Linjat kryesore të historisë ecin shumë ngadalë pa ndonjë emergjencë. Gjërat e marrin veten diku te trecereku i lojës, pikë kjo ku lojtarët thjesht do qëndrojnë të investuar në të sepse kanë harxhuar tashmë mjaftueshëm kohë duke e ndjekur mbrapa.

Fallout 76 has edhe vështirësi në paraqitjen e vendndodhjeve interesante, aspekt ky që ka qenë ekselent në lojërat e tjera. Shumë prej vendeve ngjajnë më shumë si ide se si ambjente konkrete. Përmendim këtu Charleston Capitol, ndërtesë e mbushur me zyra dhe politikanë. Një qytet futuristik që udhëhiqet nga robotët, një hotel me qendrën e tij tregtare etj. Të gjitha këto janë premtuese dhe intriguese për tu eksploruar, por rrallherë e gjen kënaqësinë në to. Shumica e këtyre vendeve janë të zbrazura dhe ju mungojnë elementët që i klasifikojnë si magjepsëse brenda standarteve të Fallout. Edhe një vendndodhje që ta tërheq pak interesin për mirë, gjendet në fund të historisë.

Ndër gjërat më zhgënjyese është që nuk e ndjen dot ndikimin e lojës mbi ty dhe anasjelltas. Këtu Fallout dështon si një role-playing game. Mënyra si është dizenjuar të pengon nga ndërtimi i një rrugëtimi personal. Nuk ka pasoja të pazëvendësueshme ose gjurmë konkrete që të mbeten pas. Këto elementë e shkëpusin lojtarin nga eksperienca vërtet e arrirë e një loje.

Problemet teknike gjithashtu nuk mbeten pas. Në Xbox One X ka crash në homescreen, ngecje në mjedisin rreth e qark , shkëputje të serverit, plumba që humbin shënjestrën etj.

Konkluzion

Këtu themi atë që e dinim që në fillim. Nuk mund ta bëjmë një sy qorr. Fallout 76 jep shumë pak krahasuar me potencialin që mbartin paraardhëset e saj. Nuk konsiderohet si një lojë e mire as në aspektet e multiplayer dhe as në aspektet e role-playing. Me idealet e larta që shfaqte në fillim, padyshim që nuk i ka përmbushur pikësynimet e saj.