Call of Duty : Black Ops 4 Review

Është e vështirë të ndjekësh hap pas hapi seritë e një multiplayeri aq të madh sa Call of Duty dhe të mos ndjekësh as trendin Battle Royale që ka pushtuar tregun kohët e fundit. Seritë Black Ops rikthehen me të vjetrën përsa i përket sistemeve të lojës, me zhvilluesin Treyarch që startoi materialin single-player që shumë prej nesh e pëlqyem.

Sidoqoftë në këtë rast vëmendja është përqëndruar në multiplayer dhe veçanërisht në krijimin e një mode të ri Battle Royale të quajtur Blackout. E gjithë ideja e single-player, rrit kërkesat për cilësi dhe sasi të materialit online. Paketa e Call of Duty: Black Ops 4 përfshin 6v6 mode , Blackout dhe Zombie mode.

Kemi pësuar zëvendësim të campaign-it me një prezantim më kinematik të multiplayerit dhe specifikisht të Specialists. Këta të fundit janë peronazhet që mund të zgjedhim në aktivitetet Player vs Player. Përmes Headquarters vihen re 10 Specialists në total, gjashtë prej të cilëve kanë qenë personazhe të Black Ops 3 dhe pjesa tjetër të rinj. I njëjti mode përfshin edhe disa tutoriale, që i japin mundësinë lojtarit të familjarizohet me pikat e forta dhe pajisjet e çdo specialisti.

Në PvP është e dukshme se drejtimi që ka marrë multiplayer influencohet nga lojërat e tjera si Overwatch dhe Rainbow Six, duke inkurajuar më shumë team play-in. Mund të zgjedhim një nga 10 specialistët për të luajtur. Secili prej tyre ka nga një superfuqi që gradualisht shfaqet gjatë ndeshjeve. Përshembull, Recon mund të gjuajë një shigjetë e cila zbulon vendndodhjen e armiqve në atë zonë të caktuar.Përgjithësisht arrihet balanca dhe ndryshimi i Specialists i mban gjërat mjaft interesante.

Ndryshimet e mësipërme janë më të dukshme në Control mode, e cila përfundon me tre fitore dhe i kërkon skuadrave të vendosin sulmin ose mbrojtjen në dy zona. Sigurisht që kemi edhe mode si Team Deathmatch, Free-for-All, Dominance, Kill Confirmed etj. Të gjitha lojërat luhen në 12 hartat e disponueshme për PvP, që janë dizenjuar mjaft bukur dhe mbajnë goxha varietet. Tipari dallues në shumicën prej tyre janë elementët rrethorë të arkitekturës, të cilët fatkeqësisht inkurajojnë spawn kills dhe shpesh i vendosin kundërshtarët prapa njeri-tjetrit në shumë kalime. Life bar-i është më i madh dhe automatic healing është hequr, duke e detyruar lojëtarin të përdori tastin L1 ose LB, në varësi të komandës së kontrollit për atë funksion.

Si shtirije kohore loja vendoset në të ardhmen, pra bazohet në shumë armatosje të “avancuara”. Gjithashtu mund ti modifikojmë pajisjet tona si ti duam. Përgithësisht , multiplayeri, përveç prezantimit të Specalists, nuk ndjehet shumë origjinal, por do ti pasojë më së miri seritë paraardhëse.

Ndër shojcat më të mëdha është Battle Royale mode, Blackout. Krahasuar me lojërat më të vjetra në treg si Fortnite dhe PUBG, ju sigurojmë se Blackout është më e aksesueshmja nga të treja. Në vetëm pak lojëra do të arrini të kapni ritmin e lojës. Krahas kësaj performanca është e qëndrueshme dhe bugs-at janë minimalë. Gjithashtu harta e Blackout është dizenjuar mirë dhe nuk i lodh lojëtarët me rajone të përsëritura.

100 lojëtarë ulen në hartë me parashutë dhe lufta për mbijetesë fillon. Me zero pajisje, ju do të përpiqeni të gjeni mjete për të rritur shanset tuaja të mbijetesës. Fituesi është vëtëm një, ai që qëndron gjallë deri në fund. Armët, përforcimet, kutitë e ndihmës së shpejtë dhe mburojat gjenden të gjitha në fushë të betejës. Kujdesi duhet të jetë maksimal, pasi pas çdo qosheje mund të gjendet një kundërshtar. Lojëtarët me eksperienca të mëparëshme në Battle Royale do iu duket vetja si në shtëpi, kurse lojtarët e tjerë do ia marrin dorën mjaft shpejt falë thjeshtësisë së mekanizmave. Blackout mund të luhet solo ose me një grup prej dy ose katër njerëzish.

Përshtypjet e ditëve të para janë mjaft pozitive për këtë mode, e cila sado që nuk të lë mbresat më maksimale, prapë mbetet kënaqëse. Për momentin Blackout ka një sistem për nivelet e lojës, falë të cilit në çdo nivel që hapni, fitoni aftësi dhe sete të reja për personazhet tuaja. Activision ka raportuar se së shpejti do të shtohen edhe microtransactions, por nuk ka dhënë ndonjë detaj tjetër më specifik.

Zombie mode, një nga mode-t e tjera të lojës rikthehet më e pasur në Black Ops 4.. Kjo është një four-player-co-op-mode ku nivelet e vështirësisë rriten gradualisht me lojën dhe që specifikisht mbart tre harta të ndryshme.

Linja kryesore e ngjarjeve përmban katër protagonistë të rinj dhe shpaloset në dy harta të ndyshme. E para, e quajtur “Voyage of Despair”, i çon lojtarët në RMS Titanic, një hartë që përmban korridore të ngushta dhe zona të vogla. E dyta quhet “IX” dhe e ndryshon komplet sfondin, duke iu çuar në epokën Romake. Në fund kemi “Blood of the Dead”, një version disi më ndryshe i Mob of the Dead nga Black Ops II, eventet e të cilës vendosen në burgun e Alcatrazit.

Dicka që ia vlen të shtohet në Call of Duty: Black Ops 4 është prezanca e panevojshme dhe komplekse e title menus në modes si headquarters dhe zombies. Krahas kësaj do të vini re shpesh në menu një link për të shkarkuar season pass (49.90 €), meqë një pjesë e përmbajtjes që është lançuar në lojë është e disponueshme vetëm për owner season pass.

Ashtu si të gjitha lojërat Call of Duty, Black Ops 4 është një eksperiencë e shkëlqyer për çdo lojëtar. Dizajni është mbrslënës në çdo aspekt dhe performanca gjithashtu nuk mbetet pas. Rezulatati përfundimtar është mëse i kënaqshëm për syrin dhe mendjen, mbi të gjitha për ata që preferojnë HDR game play. Loja luhet me 60 prerje për sekondë, pa ngecje në aspektet vizuale. Kjo aplikohet edhe në PS4 dhe PS4 Pro.

KONKLUZION

Është e vërtetë se loja nuk shpalos aspekte veçanërisht të reja, por si krijim konsiderohet mjaft i mirë. Ana e dizajnit arrin maksimumin dhe shfaqet pa asnjë të metë. Gameplay nuk e humbet kurrë interesin dhe as pjesa kreative nuk lë për të dëshiruar. Në vetvete Call of Duty Black Ops 4 mbetet një nga lojërat më të mira të momentit.