Back 4 Blood vjen nga zhvilluesit e lojërave Left 4 Dead dhe Evolve, Turtle Rock Studio, të cilët rikthehen kësaj here me lojën e tyre më të fundit. Back 4 Blood iu rikthen deri diku në lojën Left 4 Dead e cila ka shumë ndryshime por ngelet pothuajse e njëjta në thelb. Por a është Black 4 Blood në të njëjtin nivel që lojërat e mëparshme të Turtle Rock Studios?
Kësaj here koncepti i Back 4 Blood ka pësuar një ndryshim të madh në vetvete duke mos e bërë thjesht një Left 4 Dead. Turtle Rock Studios është përpjekur që të krijojë një lojë ndryshe nga lojërat e saj të përparshme por e cila përsëri do të ishte e ngjashme me to. Kjo e bën Back 4 Blood një lojë vërtet argëtuese për t’u luajtur me miqtë.
Gameplay i Back 4 Blood është diçka e rëndësishme e cila kishte të mirat dhe të metat e saj. Armët duhet të jenë të njohura për këdo që ka luajtur serinë Left 4 Dead më parë, por betejat emocionuese moment pas momenti me zombie janë të kënaqshme. Duke filluar nga përballja me zombie duke përdorur shkop bejsbolli dhe deri tek arsenali i madh i armë ose kurtheve e bëjnë lojën të ndihet goxha mirë duke iu ofruar një përvojë të kënaqshme.
Por problemi qëndron tek fakti se ndërrimi i attachments ose armëve ishte pak i komplikuar dhe shpesh nuk iu lejonte që attachments që keni tek armë t’i kaloni tek një armë e re më e mirë.
Veçanërisht në fillim, Back 4 Blood është goxha i vështirë duke na befasuar nga turmat e shumta të zombies që na sulmonin. Teksa na pëlqyen momentet “e nxehta” ku numri i zombies sa vinte dhe shtohej, kuptuam se ndryshimi i vështirësisë nuk mund të ndryshohet nga ju por vetëm nga loja vetë.
Kjo bën që vështirësia të ndryshojë në varësi të mënyrës se si luani duke bërë që nëse luani të njëjtin stage përsëri, vështirësia nuk ka për të gjënë e njëjta. Gjithashtu ndodhte shpesh që nëse gjatë një stage të kishit një vështirësi të madhe dhe mezi arrini që të kaloni në stage tjetër, stage tjetër mund të jetë goxha i lehtë duke sjellë goxha ulje ngritje të cilat ndonjëherë bëheshin të bezdisshme.
Fatmirësisht kjo luhatje e vështirësisë është e menaxhueshme falë sistemit të kartave. Teksa lojtarët përparojnë përmes në histori dhe bashkëpunojnë me lojtarët e tjerë në lojë, ata fitojnë pikë të cilat mund të shpenzohen për kartat që iu japin një buff ose ndihmë gjatë lojës. Kartat variojnë nga rritja e vogël prej 10 për qind në HP, rikthimi i HP pas çdo vrasje, reloading më i shpejtë dhe më shumë.
Ne filluam të argëtoheshim edhe më shumë kur filluam që të nisim të ndërtonim klasa që përputheshin me situatën në të cilën ndodheshim. Deri në Act 3, kishim mbledhur letra të mjaftueshme për të krijuar një karakter që humbte goxha pak HP dhe që përdorte shotgun duke ua bërë më të lehtë dhe argëtues betejën me zombies. Gjithashtu mund të përdorni edhe karta të tjera të cilat iu ndihmojnë ju dhe shokët tuaj në situata të ndryshme.
Problemi më i madh që mund të keni në fillim janë municionet për armët tuaja të cilat qëllon të mbarohen shpejt. Por teksa luani do të arrini të kurseni municione dhe nuk do të jeni kurrë në të tilla situata. Gjithashtu ju mund të shkëmbeni plumba me shokët tuaj të skuadrës.
Ashtu si me shumicën e lojërave të përqendruara në co-op, B4B shkëlqen më shumë kur ju keni një ekip të plotë në rastet kur duhet të përballeni më zombie special si Ridden. Gjithashtu kjo ndonjëherë çon edhe në situata komike me miqtë tuaj duke iu shtuar akoma edhe më shumë argëtimin.
Nga ana tjetër, lojtarët që luajnë vetëm mund të kenë më pak arsye për t’u emocionuar. AI i Back 4 Blood është kompetent dhe i dobishëm kur keni nevojë për ndihmë, qoftë shëndetësore ose municion. Por përsëri ndodhte që AI të kishte problemet e veta duke na bërë të mos e shijonim shumë kur luanim vetëm.
Gjithashtu na pëlequ goxha mode i ri i Back 4 Blood i quajtur Swarm, i cili i vendos lojtarët kundër Ridden-it në vende të ndryshme. Ekipet luajnë me radhë si Ridden ose lojtarë normal të quajtur Cleaners dhe kushdo që zgjat më shumë si njerëzit fiton raundin. Më pëlqente të luaja si zmobie, por nuk më pëlqen sesi disa nga Ridden si kontrolli i Tallboy ishte i vështirë për t’u përdorur. Modaliteti nuk është shumë i keq, por i zbehtë në krahasim me pjesën tjetër mbresëlënëse të kësaj loje co-op.
Back 4 Blood është një nga lojërat më të mira që mund të gjeni momentalisht co-op zombie duke iu ofruar një eksperiencë të kënaqshme e cila ia vlen të luhet me miqtë tuaj.