Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Loja pritet të vijë së shpejti
Ditën e sotme, Gearbox Software deklaroi nëpërmjet një tweet-i se Borderlands 3 është futur tashmë në fazën Gold. Kjo do të thotë vetëm një gjë, se loja është gati për t’iu dërguar kompanive që merren me prodhimin dhe shpërndarjen e saj në dyqane.
Për të festuar këtë rast, tweet-i i publikuar kishte gjithashtu në të një video të shkurtër me katër Vault Hunter-ët e rinj në të. “Jemi të lumtur të deklarojmë se Borderlands 3 është në fazën Gold! Falenderojmë të gjithë ata që punuan fort për ta arritur këtë. Shihemi në 13 shtator, Vault Hunter-a“
We are pleased to announce that #Borderlands3 has gone GOLD! Thank you to everyone who worked so hard to make this happen! We’ll see you September 13th Vault Hunters! pic.twitter.com/CgwKbTgP9A
— Gearbox Official (@GearboxOfficial) July 31, 2019
Pritet që loja të vijë në çdo dyqan nduke nisur nga 13 shtatori për PC, Playstation 4 dhe Xbox One, në 4 versione: Standard, Deluxe, Super Deluxe dhe Collector’s Edition.
Borderlands 3 zhvillohet pak kohë pas ngjarjeve në Tales from the Borderlands dhe Borderlands 2: Commander Lilith and the Fight for Sanctuary. Loja do të vijë me 4 Vault Hunters të rinj, të quajtur Zane, Amara, Moze dhe FL4K. Secili prej tyre duket të ketë disa prej skill trees më të veçanta dhe unike ndonjëherë të para në lojërat Borderlands.
Zane mund të sakrifikojë granatat e tij për të përdorur dy aftësi në të njëjtën kohë. Amara, me anë të mjeshtërisë së saj në përdorimin e elementeve, mund të përdorë aftësitë e çdo Siren që ka ardhur para saj. Ndërkohë, Moze mund të ndryshojë se çfarë bën aftësia e saj kryesore duke vendosur armë dhe armatura të ndryshme në Iron Bear-in e saj.
Borderlands 3 do të lançohet në 13 shtator në PC, Playstation 4 dhe Xbox One. Loja do të jetë ekskluzive për pak kohë në Epic Games Store. Sapo kjo kohë të kalojë, loja do të mund të blihet dhe në platforma të tjera në PC si Steam. Loja gjithashtu pritet të vijë në Google Stadia në të ardhmen. Dhe pse fillimisht nuk do të ketë cross-play midis platformave, Gearbox duket se është i vendosur për ta arritur këtë gjë.
