Zbulohet zyrtarisht logo dhe prize pool i Call of Duty League

Zbulohet zyrtarisht kampionati zyrtar i Call of Duty

Activision Blizzard ka zbuluar zyrtarisht, emrin, logon, sistemin dhe çmimet e kampionatit të ri të Call of Duty.

Call of Duty League është emri zyrtar dhe siç mund ta dinë shumica prej jush, 12 ekipe nga qytete të ndryshme në dy kontinente do të ndeshen në Modern Warfare në një kompeticion 5v5. Edhe pse një datë zyrtare ende nuk është vendosur për fillimin e ligës, website zyrtar thotë se do të nisë në 2020 dhe do të ketë një prize pool prej më shumë se $6 milion. Gjithashtu është konfirmuar se CDL do të vazhdojë të luhet në Playstation 4.

Vetëm tre prej ekipeve (Paris, New York dhe Londër) kanë zbuluar ekipin e tyre të plotë dhe Minnesota ka zbuluar tre lojtarë. Pjesa tjetër e ekipeve ende nuk e kanë zbuluar se cilët do të jenë lojtarët e tyre.

Shpresohej që në videon e zbulimit të zbuloheshin gjithashtu dhe logot dhe emrat e ekipeve individuale si dhe vetë liga, por kjo nuk ndodhi. Megjithatë, një gazetar arriti të zbulonte disa prej emrave që mund të kenë ekipet në kodin e faqes zyrtare, si për shëmbull “London Royal Ravens” dhe “Chicago Huntsmen“

Call of Duty League do të ndjekë hapat e lojës tjetër të Activision Blizzard, Overwatch, duke u kthyer në një esports league me franchise. Vendet në ligë raportohen se kushtojnë deri në $25 milionë.