Zbulohet vendnodhja e countdown-it të eventit në Fortnite

“The End” është më afër se kurrë

Me eventin “The End” që pritet të vijë së shpejti në Fortnite Battle Royale, dataminers kanë zbuluar se ku do të ndodhet countdown-i në hartën e lojës.

Eventet brenda lojës tashmë janë pjesë e traditës së Fortnite për më shumë se 1 vit, që prej rënies së meteorit në fund të sezonit 3 të lojës. Epic Games i ka përdorur ato si një mënyrë për të mbyllur një sezon të lojës dhe për të nisur një tjetër, një farë kalimi nga një kapitull në tjetrin.

Edhe pse asgjë ende nuk është konfirmuar, gjithçka tregon se eventi i cili pritet të mbyllë Season X do të quhet “The End“. Si dhe në vitet e mëparshme, Epic do të shtojë në lojë një countdown që tregon se kur do të fillojë eventi. Vendndodhja e këtij countdown-i tashmë është zbuluar, falëd ataminers spedicey1 dhe HYPEX

Imazhi i përsipërm është marrë nga file-t e lojës dhe tregon se countdown-i do të ndodhet mi Dusty Depot. Siç tregohet në foto, Dusty është vendndodhja ku një launch pad për një raketë u vendos në fillim të Season X dhe më pas u ndërtua gjatë update-ve në javët në vijim.

Shfaqja e këtij countdown-i në këtë pozicion specifik të hartës tregon se eventi do të jetë shumë i lidhur me raketën e sezonit të 4, por ka mundësi dhe me meteorin e parë që ra në Dusty Depot. Megjithatë, teoria e parë është ajo që është mbështetur nga shumë leaks të ndryshëm gjatë javëve të kaluara.

Për sa i përket kohës se kur do të ndodhë eventi në Fortnite, shumë besojnë se ai do të zhvillohet në 13 tetor, pasi Epic ka konfirmuar se në këtë datë do të mbyllet përfundimisht Season X në Fortnite.