Zbulohet pamja e Sonic në filmin e Sonic the Hedgehog

Fotografitë duket se janë zbuluar aksidentalisht

Që prej lançimit të posterit të parë për filmin e ardhshëm Sonic the Hedgehog në dhjetor, ka pasur shumë spekulime mbi pamjen e personazhit ikonë në ekranin e madh. Ndërkohë që të gjithë e dinë pamjen e tij në lojë, posterat deri më tani të çojnë drejt një pamje më të ngjashme me një person. Por tani mesa duket kemi fotografi të plota të Sonic-ut në film.

Imazhet janë postuar nga agjensia reklamuese Hamagami/Carroll dhe duket se janë pjesë e brandimit të filmit. Fotografitë e tregojnë Sonic në pozicione të ndryshme aksioni e ndërkohë që këmbët duket se janë më pak muskuloze se më parë, ka disa ndryshime të dukshme në pamjen e tij.

Dorashkat ikonike të Sonic tashmë janë ktyher në duar me qime dhe atletet e tij nuk kanë më dizajnin e zakonshëm me vija të bardha e të kuqe që jemi mësuar më parë. Foto tani janë hequr nga faqja e agjensisë dhe nuk ka asnjë koment nga Paramount në qoftë se ato janë të vërteta. Megjithatë, më poshtë ju mund të gjeni një prej imazheve të shumta të dala:

Sonic the Hedgehog do të shfaqet në 8 nëntor. Në film do të luajë James Marsden nga Westworld, ndërkohë që komediani Ben Schwartz do të jetë zëri i Sonic dhe Jim Carrey në rolin e Dr. Robotnik. Regjizor është Jeff Fowler, për të cilin është filmi i tij i parë, por ai ka fituar një Oscar në 2005 për filmin e animuar me metrazh të shkurtër Gopher Broke. Producent është regjizori i Deadpool Tim Miller.