Zbulohet pamja dhe data zyrtare e lançimit të Cache në CS:GO

Shikoni pamjet e para të Cache në CS:GO

Një prej hartave më të pëlqyera nga fansat e CS:GO po ndryshohet dhe më në fund kemi një datë zyrtare për lançimin e saj.

Pasi u hoq nga Competitive Map Pool në mars të 2019, Cache u zëvendësua nga Vertigo, duke krijuar mjaft polemika. Që prej asaj kohe, komuniteti ka kohë që pret rilançimin e një prej hartave më popullore për të parë se çfarë dizajnerat do të sillnin për ta.

E zbuluar në eventin ESL One New York 2019, rework-u i shumëpritur i Cache u prezantua përpara publikut dhe komuniteti i CS:GO pati mundësi t’i hidhte një sy për herë të parë.

Pas përfundimit të finales së serisë midis Astralis dhe Evil Geniuses, u konfirmua se Cache do të vinte në lojë në 10 tetor.

Harta pritet të futet sërish në Active Duty pas disa testimeve fillestare, por ende nuk dihet se cila hartë do të zëvendësohet nga Cache.

Krijuesit e remake-ut të Cache u ulën së bashku me ESL për të diskutuar procesin e krijimit dhe për të vënë në dukje dallimet më të mëdha në hartë që prej largimit të saj nga Competitive.

Ndër ndryshimet e vogla vizuale në hartë, më i rëndësishmi është heqja e graffiti-t të famshëm të s1mple, kur ai bëri 2 veta noscope me AWP në ESL One Cologne 2016. Duke folur për këtë, s1mple tha se: “është koha të bëjmë një të re gjithsesi“.

Evil Geniuses zhvilluan një ndeshje mjaft të mirë kundra kampionëve të Starladder Berlin Major 2019 Astralis, duke i mundur danezët 3-1 në finalen e madhe të ESL One New York 2019.

Ju do të keni mundësi të testoni Cache-n e re të ridizenjuar kur ajo të vijë në CS:GO në 10 tetor.