Evil Geniuses mposhtin Astralis dhe fitojnë ESL One New York 2019

Debutimi i EG nuk mund të shkonte më mirë

Evil Geniuses u riktyhen në Counter-Strike: Global Offensive në mënyrën më të mirë të mundshme duke fituar ESL One New York 2019 ditën e djeshme.

Peter “stanislaw” Jarguz, Cvetelin “CeRq” Dimitrov, Vincent “Brehze” Cayonte, Ethan Arnold dhe Tarik Celik arritën të mposhtin Astralis 3-1 në një finale best-of-five për të fituar tournament-in e tyre të parë në 2019, pak pasi ekipi i tyre u prezantua për herë të parë si EG pas blerjes së tyre nga NRG përpara nisjes së ESL One New York.

Finalja e madhe nisi në Inferno, ku EG fitoi 16-3 duke dominuar plotësisht Astralis në një prej hartave të tyre më të forta. U duk sikur danezët do të përgjigjeshin në Dust 2, por EG fitoi 9 raunde rradhazi dhe njëherësh dhe hartën me rezultat 16-12.

Ekipi nga Amerika e Veriut e kishte trofeun në duart e tyre duke parë se ishin 15-11 në Train. Megjithatë, Astralis arriti të rezistojë dhe e çoi lojën në overtime. Danezëve iu deshën dy overtime për të fituar në fund lojën 22-19 për shkak të performancave mjaft të mira të Emil “Magisk” Reif dhe Peter “dupreeh” Rasmussen.

Në hartën e katërt, Nuke, Astralis ktheu një rezultat 8-1 në pjesën e parë duke fituar 6 raunde rradhazi. Më pas, EG u treguan fantastikë në CT duke fituar tetë nga nëntë raunde dhe duke fituar të gjithë serinë 16-8. Ethan arriti të thyejë raundin eco të Astralis në fund me një clutch mjaft të bukur 1v2.

Kjo fitore nuk është e madhe vetëm për EG, por gjithashtu dhe për Amerikën e Veriut në tërësi, pasi ky rajon ka tashmë dy prej tre ekipeve më të mira në CS:GO, me Team Liquid që është ekipi tjetër.

Ky kampionat gjithashtu e bën më të bukur historinë e kapitenit të EG, stanislaw. Ai supozohej ta drejtonte Amerikën e Veriut drejt suksesit kur u bë pjesë e Team Liquid në 2017. Plani nuk funksionoi dhe ai u detyrua të luante për OpTic Gaming dhe Complexity, dy ekipe më të vogla, përpara se të bëhej pjesë e NRG në qershor.

Ky vit ka qënë mjaft i bukur në CS:GO. Astralis ka dominuar plotësisht gjatë 2018, por Liquid dhe EG duken më se të aftë për të konkurruar me danezët.

Të gjitha këto ekipe do të ndeshen sërish me njëra tjetrën javën e ardhshme në DreamHack Masters Malmö, që do të nisë të martën, në 1 tetor.