Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Google më në fund ka zbuluar çmimin dhe datën e lançimit të Stadia gjatë “Connect”. Fatkeqësisht një datë specifike lançimi mungon, por platforma do të vijë në 14 vende në nëntor. Çmimi pastaj do të jetë $9.99 në muaj. Ky shërbim do të njihet si Stadia Pro. Në lançim një Founder Edition do të jetë i disponueshëm për $129.99. Kjo përfshin një controller, Destiny 2, tre muaj Stadia Pro, Founder Badge, Buddy Pass etj. Më tej në 2020, një version falas i Google Stadia, Stadia Base do të lançohet.
Dallimi mes Stadia Pro dhe versionit falas qëndron në disa pika: Stadia Pro ka rezolucion deri në 4K, kurse Stadia Base deri në 1080p. Në Stadia Pro do ketë lojëra falas që do të lançohen herë pas here, kurse në Stadia Base jo. Gjithashtu në Stadia Pro do të keni ulje të disa prej lojërave që mund të doni ti blini. Pak a shumë këto janë dallimet më të mëdha.
Gjithsesi nëse intrigoheni sadopak nga ideja e Stadia, duhet të keni një lidhje super të mirë interneti. Nëse doni të bëni stream në 4K duke përdorur Google Stadia, në 65 orë do të përdoret 1TB data. Pra në një muaj përshembull mund ta përdorni Stadia vetëm për 65 orë me 1TB internet në abonimin tuaj.
Disa nga lojërat që do të jenë të vlefshme për tu blerë në lançimin e platformës janë: Darksiders Genesis, Destiny 2, Football Manager 2020, Assassin’s Creed Odyssey, Rage 2, Ghost Recon Breakpoint, Borderlands 3, Mortal Kombat 11, The Division 2, Metro Exodus etj.
Sipas Google loading times do të jenë shumë të vogla dhe nuk do të ketë nevojë për instalime pasi çdo gjë do të jetë streaming. Shërbimi do të jetë i varur pas Chrome, ndaj do të jetë i përshtatshëm për telefona, tableta, kompjutera dhe çfarëdolloj paisjeje që mbështet Chrome. Platforma do të vijë me controller-in e saj, por gjithashtu do të mbështesë edhe controller-at HID class USB.
Siç mund të kuptohet, Google ka plane të mëdha për Stadia, por se sa do të jenë gamerat të tërhequr pas saj, mbetet të shohim në nëntor, kur shërbimi të bëhet i disponueshëm.
