Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Blizzard më në fund ka thyer heshtjen mbi Warcraft 3: Reforged
Pas një periudhe heshtjeje, Blizzard duket se po zbulon modelet e personazheve të Warcraft 3: Reforged. Pjesëmarrësit në konferencën ChinaJoy 2019 arritën të kapnin disa fotografi të disa prej personazheve klasikë të lojës, ndërmjet tyre Thrall, Tyrande dhe Antonidus.
Warcraft 3: Reforged është përpjekja e Blizzard për të rikthyer një prej lojërave më të dashurave për fansat në qendër të vëmendjes. Në vend që të rrisin rezolucionin e gjithçkaje në 4K, ata janë duke rikrijuar sërish gjithçka nga fillimi.
Kjo e bën lojën një remake total, jo një remaster siç ishte Starcraft, çka do të thotë shumë më shumë punë. Modelet janë konfirmimi se progresi po vazhdon me hapa të mirë, edhe pse ende nuk ka një datë konkrete lançimi. Planet më të fundit të Blizzard janë që loja të lançohet përpara 31 dhjetorit të këtij viti.
Warcraft 3: Reforged supozohet të sjellë disa ndryshime në lojë. Një prej tyre është një ndryshim total i UI të lojës, ndërkohë që hartat po ndryshohen për t’u përputhur më mirë me historinë e lojës.
Përveç gjithë gjërave të sipërpërmendura, në event u shfaqën dhe disa modele të njesive të lojës. Ato përfshijnë Huntress, Acolyte, Red Dragon dhe Kodo Beast Rider. Normalisht, të gjitha modelet janë me kualitet të lartë dhe përputhen me stilin e ri të Blizzard.
Më herët gjatë kësaj konvente, Blizzard zbuloi një statujë me përmasa reale të Arthas, pra ka mundësi që akoma dhe më shumë të shfaqet në lojë. ChinaJoy është përdorur shpesh për lajmërime të ndryshme nga Blizzard.
Duhet patur parasysh se nuk do të ketë asnjë lajmërim përsa i përket ndryshimeve të mekanikave të lojës. Madje, loja do të funksionojë në mënyrë aq të ngjashme me versionin origjinal, sa të dy versionet e lojës mund të luajnë së bashku në multiplayer.
Megjithatë, duke qënë se loja do të ketë një world editor të përmirësuar dhe shumë gjëra të tjera, ajo do të bëhet së shpejti versioni standart i përdorur.
