Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
EA ka njoftuar se PlayLive event është anulluar zyrtarisht, që do të thotë se lojtarët do të duhet të presin edhe më shumë për zbulimin e FIFA 21.
Fansat e FIFA kanë qenë duke pritur me padurim për ndonjë lajm mbi serinë e ardhshme të lojës prej muajsh tashmë dhe tani duket se do të duhet të presin edhe më shumë. Eventi dixhital fillimisht do të mbahej në 11 qershor, por u shty me një javë për në 18 qershor.
— Electronic Arts (@EA) June 5, 2020
Duhet të kemi parasysh se kjo nuk do të thotë që data aktuale e lançimit të FIFA 21 ka për tu vonuar, thjesht do të testojë edhe më tej durimin e fansave.
Sado që loja e 2021 ende nuk ka marrë një datë zyrtare lançimi, mund të bëjmë hamendësimet tona nga vitet e shkuara për një periudhë të përafërt. FIFA 20 doli në 27 shtator dhe FIFA 19 në 28 shtator, ndaj mund të presim që edhe FIFA 21 të vijë në javën e fundit të muajit të shtatorit.
EA Sports zakonisht fton edhe disa lojtarë që t’i bashkohen betave online përpara se lojërat e tyre të lançohen. Ftesat çohen me email dhe përfshijnë adresa që kanë akses në disa mode të caktuara si Career, Pro Clubs etj.
Sado që duhet të presim edhe një javë tjetër derisa të shohim diçka konkrete për FIFA 21, lajmi i mirë është që siç e përmendëm edhe më sipër, kjo vonesë nuk do të ndikojë planet e lançimit të lojës. Prisni që FIFA 21 të dalë nga fundi i shtatorit.
