Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Hartat quhen Breach dhe Seaside
Update i fundit i CS:GO është vërtet i rëndësishëm. Ky update ka sjellë ndryshime të shumta për sa i përket hartave të lojës, të cilat kanë pësuar ndryshime drastike. Nuk ka pasur asnjë ndryshim për sa i përket armëve të lojës, por padyshim që këto ndryshime i japin më shumë opsione lojtarëve të CS:GO nëpërmjet Scrimmage, por dhe nëpërmjet hartave të reja të shtuara në lojë.
Dy harta janë shtuar në Defusal Group Sigma, një prej të cilave është harta popullore Seaside ndërsa harta tjetër është e re dhe quhet Breach. Sipas blog-ut të CS:GO, Breach është një hartë defusal e vendosur në një ndërtesë zyrash me shumë hapsirë. Nëse doni t’i provoni këto dy harta, mund t’i gjeni në Deathmatch dhe Casual, por gjithashtu dhe në hartat Scrimmage në Competitive.
Scrimmage është një mode 5v5 i cili nuk ndikon Skill Group-in tuaj. Sipas Valve, kur luan Scrimmage rregullat qëndrojnë njësoj si në Competitive, por nuk ka asnjë kufizim përsa i përket lojtarëve në ekipin tënd dhe Skill Group-i juaj nuk do të ndryshojë dhe nuk do të shfaqet në ndeshje. Gjithashtu, as numri i fitoreve tuaja në Competitive nuk do të ndryshojë. Scrimmage mund të luhet në 3 harta: Ruby, Breach dhe Seaside.
Duket se harta që do të largohet është Workout, e cila nuk do të mund të luhet më në matchmaking zyrtar. Gjithashtu ka pasur dhe disa ndryshime vërtet të mëdha përsa i përket hartës Vertigo, ku është shtuar një mënyrë e re për të arritur në zonën B.
Në lojë pati gjithashtu dhe disa rregullime të tjera të vogla për sa i përket bugs të ndryshëm, si heqja e një boost-i në Overpass, por dhe ndryshime të tjera. Gjithashtu, pati dhe përmirësime të performancës së lojës në Linux.
