fbpx
Video

Shihni 30 minuta gameplay të Wolfenstein II: The New Colossus

Kjo video e re gameplay për Wolfenstein 2: The New Colossus zhvillohet në rrugët dhe ndërtesat e shkatërruara të New Orleans, gjatë një historie alternative në të cilën nazistët fituan Luftën e Dytë Botërore dhe pushtuan Shtetet e Bashkuara.

Heroi ynë B.J. Blazkowicz infiltron qytetin në mënyrë që të lidhet me disa luftëtarë të rezistencës së fshehur në një bankë të braktisur. Gjatë skenave të ndryshme, ne shohim më shumë personalitetin e B.J dhe marrëdhëniet e tij me aleatë të ndryshëm, si dhe armiqësinë e tij ndaj një luftëtari marksist, të cilin ai duhet të shoqërojë.

Kjo video është gjithashtu një mundësi për të parë më nga afër disa nga motorrët monstruoz të vdekjes të krijuar nga nazistët, si dhe mjetet e përdorura nga rezistenca e Amerikës. Wolfenstein 2 përdor një shumëllojshmëri armësh që mund të përmirësohen vazhdimisht. Ka një seksion të shkurtër në këtë video që tregon skemat e armëve. Ekziston gjithashtu një seksion pranë fundit në të cilin B.J. përdor një bishë mekanike që nxjerr zjarr nga goja.

Wolfenstein 2: The New Colossus do të dalë më 27 tetor për PlayStation 4, Windows PC, Xbox One dhe në Nintendo Switch gjatë 2018-ës.