Warner Bros vonon Wonder Woman 1984, Tenet dhe The Matrix 4

Warner Bros ka bërë ndryshime drastike në planet e lançimit të disa prej filmave të tij. Kompania shtyu premirën e Wonder Woman 1984 nga mesi i gushtit në 2 tetor, shtyu Tenet të Christopher Nolan me dy javë, nga 17 korriku në 31 korrik dhe shtyu The Matrix 4 thuajse një vit më vonë. Godzilla vs. Kong gjithashtu është shtyrë.

Njoftimi për Wonder Woman 1984 u bë në Twitter, ndërkohë që njoftimet e tjera u paraqitën fillimisht në media të tjera.

Pavarësisht një raportimi të bërë në fillim nga Warner Bros, që sugjeronte të kundërtën, gjërat duket se nuk dolën fiks ashtu siç ishin planifikuar.

Tenet pritej që të shënonte rihapjen e shumë kinemave, teksa qeveritë në mbarë botën pritej të lironin masat e marra nga virusi dhe t’i lejonin bizneset që të rihapnin dyert e tyre. Gjithsesi, shumë analistë të box office dolën në përfundimin se shumica e njerëzve nuk do të donin të dyndeshin ende në kinema nga mesi i korrikut, gjë që do e ndikonte shumë performancën e Tenet, një film me buxhet $200 milionë. Në vend të Tenet, studioja do i japë Inception mundësi të shfaqet në kinema, me rastin e 10 vjetorit të filmit.

The Matrix 4 pastaj, që i bëri pause produksionit më herët gjatë këtij viti është shtyrë nga 21 maji i 2021, për në 1 prill të 2022. Godzilla vs. Kong, që supozohej të vinte në kinema këtë nëntor, do të marrë datën origjinale të The Matris 4, pra 21 majin e 2021.