Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Artem Moskowsky së fundmi zbuloi një të metë në sistemin e sigurisë së Steam që lejonte përdoruesit e paskrupujt me akses në developer portal të gjeneronin një numër të pafundëm të game keys. Sidoqoftë në vend të shpërblente veten e tij me një kopje të çdo loje në platformë ai i tërhoqi vëmendjen Valve për këtë problem dhe u shpërblye me 20,000 $ nga ata.
Moskowsky u shpreh se: “ky problem u zbulua rastësisht gjatë kontrollit të funksionalitetit të një web app-i; mund të përdorej lehtësisht nga kushdo që kishte akses në portal.”
“Për të zbuluar pikën e dobët mu desh të ndryshoja vetëm një parametër. Pas asaj, mund të vendosja çdo lloj ID-je në një parametër tjetër dhe të merrja çdo set të mundshëm të keys që dëshiroja.”
Për t’iu demonstruar më mirë se sa i madh ishte ky problem, Moskowsky tha se përfundoi me 36,000 activision keys për Portal2. Kjo është diku te 360,000 $ vlerë. Ndoshta kjo është edhe arsyeja pse Valve u tregua kaq bujar në shpërblimin e tij.
Pra një lojëtar mund të shkarkonte CD keys për një lojë të cilën as nuk kishte akses. Faqja e përshkroi problemin si kritik dhe shumë serioz. Moskowsky e raportoi problemin që në 7 gusht dhe e mori shpërblimin e tij në 10 gusht. Gjithsesi historia nuk ka shumë që është bërë publike, ndaj kjo mund të jetë arsyeja pse po e dëgjoni tani për herë të parë si lajm.
Valve ka goxha kohë që i paguan hackersat, që iu zbulojnë problemet në Steam. Ku i dihet ndonjë ditë mund të jeni edhe ju ata që do të përfundojnë me 20,000 $ në xhep.
