Ranked mode e VALORANT nuk do të vijë që në lançim

Riot do që lojtarët të familjarizohen me lojën përpara se të kalojnë në ranked.

Fansat kanë mësuar shumë informacione për FPS e ardhshme të Riot Games, VALORANT , si përshembull çfarë do të jetë e disponueshme në closed beta kur ajo të fillojë nesër, në 7 prill. Një nga gjërat që Riot tha është se loja nuk do të ketë një ranked mode në lançim.

Gjatë transmetimit të TimTheTatman për VALORANT, dizajneri kryesor i lojës, Trevor “Classick” Romleski, konfirmoi se sado që Riot do që ta sjellë ranked afër datës zyrtare të lançimit, ajo nuk do të jetë e disponueshme që në fillim.

Kjo sepse zhvilluesit duan t’i japin fansave pak kohë për tu familjarizuar njëherë, përpara se të hidhen në sistemin ranked dhe të vendosen mes lojtarëve më të mirë në botë.

Duke e ndaluar ranked, njerëzit mund të eksperimentojnë me agjentë dhe kompozime të ndryshme skuadrash, për të krijuar disa plane në mendje para se të futen në ranked match. Askush nuk do që t’i rrezikohet ranku kur ende janë duke u përpjekur të kuptojnë si ta luajnë lojën.

Emrat e rankur gjithashtu janë zbuluar nga disa streamers dhe content creators. Ato fillojnë nga Mercenary, Soldier, Veteran, Hero, Legend, Mythic, Immortal dhe VALORANT, ranku më i lartë i lojës.