Update i ri i CS:GO ndihmon lojtarët të perfeksionojnë granatat

Disa komanda të reja ndihmojnë lojtarët të praktikojnë hedhjen e granatave

Të përdorësh mirë granatat në Counter Strike: Global Offensive është një aftësi kyç për të ndihmuar ekipin të fitojë raundin dhe update i fundit i CS:GO e bën më të lehtë perfeksionimin e tyre.

Të jesh i aftë të bësh push në bomb site ose të mbrosh me një smoke të mirë është pjesë e aftësive që të duhen për të qënë i suksesshëm në Counter Strike. Lojtarët shpesh gjejnë mjete të reja për t’u trajnuar me grantat e tyre, por shpesh herë kjo gjë është shumë e vështirë.

Megjithatë, një update i ri i shooter-it popullor të Valve do e bëjë më të lehtë trajnimin dhe do t’i japë lojtarëve mundësi të mësojnë kënde të reja për granatat më lehtë.

Në patch-in e 19 shatorit për CS:GO, Valve zbuloi disa komanda të reja për të praktikuar grantatat. ‘cl_grenadepreview’ i tregon lojtarëve trajektoren e granatave përpara se ajo të lëshohet. Kjo i jep lojtarit mundësi të planifikojë granatën që në fillim, në vend që ta hedhi atë dhe më pas të shikojë se ku ajo ka shkuar me ‘sv_grenade_trajectory’.

Lojtarët gjithashtu do të kenë mundësi të fluturojnë për të ndjekur granatat e tyre pa iu dashur t’i hedhin ato. Me anë të komandës ‘sv_rethrow_last_grenade’ lojtarët mund të hedhin granatën e fundit që ata kanë hedhur, duke i dhënë atyre mundësi të testojnë kënde të ndryshme.

Si përfundim, lojtarët mund të ndalojnë trajektoren e një granate për ta analizuar atë me komandën ‘cl_sim_grenade_trajectory’. Më parë. ‘cl_grenade_trajectory_time’ i detyronte lojtarët të vendosnin një kohë të caktuar që trajektorja e granatës qëndronte, por tani ata mund ta ndalojnë zhdukjen e trajektores.

Reagimet e para të lojtarëve për këto ndryshime kanë qënë mjaft të mira. YouTuber-i popullor WarOwl tha se ky update do e bëjë shumë më të lehtë praktikimin e granatave ndërkohë që lojtarët falenderuan Valve në Twitter.