Ubisoft do të sjellë një event të stilit E3 në korrik

Ubisoft i është bashkuar paradës së kompanive që po mbajnë konferencat e tyre dixhitale, në mungesë të E3 2020. Sot Ubisoft njoftoi Ubisoft Forward, që do të zhvillohet në korrik.

Krahas faktit që do të organizojë një konferencë të ngjashme me E3, Ubisoft nuk ka thënë gjë tjetër se çfarë mund të presim prej saj, por nëse do të hamendësonim do të thonim që do të shohim më nga afër Assassin’s Creed Valhalla, ndoshta me gameplay të hajrit këtë rradhë. Gjithashtu mund të informohemi rreth statusit të Watch Dogs Legion, Rainbow Six Quarantine dhe Gods and Monsters, nga të cilat të gjitha u vonuan në fundin e 2019s, pasi Ghost Recon Breakpoint dhe The Division 2 pak a shumë dështuan.

Padyshim që do të ketë edhe surpriza të tjera. Ubisoft njoftoi në shkurt se ka pesë lojëra AAA që do të dalin përpara prillit të 2021. Nga këto hiqini shpresat për Beyond Good and Evil 2, pasi kompania e konfirmoi se ajo nuk është një nga pesë lojërat e ardhshme.

Ubisoft Forward do të fillojë në 12 korrik. Platformat e streaming ku do të mund ta shihni ende nuk janë bërë publike, por do të thonim me bindje se Twitch është një prej tyre.