Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Për Twitch, siguria është prioriteti kryesor.
Twitch ka çaktivizuar aftësinë që adresat e reja kishin për të bërë live stream. Kjo pasi platforma u bombardua me sulme stream-esh pornografike dhe të jashtëligjshme.
Reagimi erdhi nga Twitch për të ndaluar njerëzit që po abuzonin me transmetimin e përmbajties ilegale dhe ofendues. Një deklaratë nga Twitch specifikon se: “siguria e komunitetit tonë është prioriteti ynë numër një dhe po bëjmë gjithçka kemi në dorë për të çuar gjendjen në normat e saj.”
Kategoria Artifact e Twitch u mbyt gjithë fundjavën me njerëz që thjesht donin të talleshin, si tip tendence për të mbështetur një meme të fundit. Artifact është një card game e zhvilluar nga Valve, që së fundmi u emërua si loja më pak popullore në Twitch. Përdoruesit e Twitch dhe të komunitetit të gaming në tërësi, janë tallur me dështimin e lojës prej muajsh, kjo edhe përpara se Valve bëri njoftimin për ridizenjimin e saj në Mars. Gjithsesi këtë fundjavë çdo gjë ndryshoi me një valë të re stream-esh që përfituan nga shikueshmëria e ulët e kategorisë, për të transmetuar gjëra që bien në kundërshtim me rregulloren e Twitch.
Deklarata e Twitch thoshte se: “ata ishin të vetëdijshëm që një numër i caktuar adresash po shënjestronin kategorinë e Artifact” përgjatë fundjavës. Skuadra e Twitch gjithashtu pranoi se njerëzit po e shfrytëzonin kategorinë për të bërë stream gjëra të neveritshme që thyenin shumë rregulla të Twitch.
Një pjesë e përmbajties që u transmetua klasifikohej thjesht në meme dhe humore të tilla, por një pjesë tjetër pastaj tregonte pamje nga sulmi terrorist në Zelandën e Re, që pati mbi 50 të vdekur. Twitch është marrë edhe më parë me situata të tilla, të njerëzve që keqpërdorin platformën e tyre, por vendimi për ti ndaluar streamer-at e rinj për të transmetuar, tregon realisht se sa seriozisht e ka marrë kompania këtë punë.
Twitch nuk e specifikoi se kur do të mund të fillonin të bënin prapë stream këto adresa, por në fund të ditës, le të shpresojmë që njerëzit të kenë zënë mend nga kjo situatë.
