Twitch i bëri ban një streameri me skin Hitleri në Minecraft

Ludvig ‘Anomaly’ Lagerstedt bëri një shaka që i doli pak nga duart.

Gjatë kësaj jave streamer-i Ludvig  ‘Anomaly’ Lagerstedt mori një pezullim 30 ditor nga Twitch, pasi tregoi një skin të Minecraft që prezantonte Adolf Hitler. Anomaly e ka kundërshtuar këtë vendim dhe thotë se ai është shumë i ekzagjeruar. Gjithsesi streamer-i ka patuar edhe situata të mëparëshme kontradiktore me Twitch.

Gjatë klipit, Anomaly hap inventarin e Minecraft dhe menjëherë e mbyll kur kupton që del skini i Hitler. “O zot kam skinin e gabuar.” U shpreh ai duke shpërthyer në të qeshura histerike.

Pasi mori ban-in streamer-i shkruajti në Twitter: “E kisha skinin vetëm se doja të bëja një shaka për ‘Meinkraft‘ me disa shokë dhe harrova ta ndërroja.”

Sipas rregullave të Twitch, “kontenti që shpreh urrejteje ose çfarëdolloj aktiviteti që inkurajon, diskriminim, ngacmimin, denigrimin dhunën, seksizmin etj nuk lejohet.” Nuk është e vështirë të kuptosh pse në varësi të këtyre skini i Hitlerit nga Anomaly u konsiderua si shkelje e tyre.

Siç e thamë edhe më lart nuk është hera e parë që Anomaly është bërë ban nga Twitch për kontent të papërshtatshëm. Përpara një viti ai mori një pezullim të papërcaktuar për shkeljen e rregullave të sipërpërmendura.

Sado që kurrë nuk u konfirmua se përse ndodhi ky ban, ai u mor menjëherë pasi Anomaly veshi një personazh zezak të PUBG me rroba burgu dhe e shoqëroi me të njejtën të qeshur që mund të dëgjohet edhe në videon më sipër.

Gjithsesi, po ta mendosh ajo shakaja që donte të bënte në fillim me Meinkraft nuk ishe aspak e keqe, por Twitch ka disa rregulla dhe nëse njerëzit duan të jenë pjesë e tij, duhet të mësojnë ti respektojnë.