Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Ndër vitet 1990 dhe 2000, Manchester United ishte në një formë fantastike për Premier League, madje të pakta ishin skuadrat që mund të mateshin me të. Fatkeqësisht për fansat e skuadrës, humbja e trajnerit legjendar Sir Alex Ferguson në 2013n e çoi atë drejt një rënieje, teksa klubi sportiv kaloi katër trajnerë në pak vite.
Pas largimit të Jose Mourinho këtë vit, ish lojtari i Manchester United dhe i Norvegjisë, Ole Gunnar Solskjaer erdhi si trajneri i ri. Sado që ky i fundit kishte bërë vetëm një paraqitje të shkurtër dhe jo shumë të suksesshme në Premier League, ardhja e tij ka qenë më së shumti lajm i mirë për skuadrën me 9 fitore të njëpasnjëshme. E gjitha kjo falë Football Manager.
Gjatë një interviste me një gazetë norvegjeze në 2013, Solskjaer tha se gjatë viteve të tij si lojtar, metodë relaksimi kishte të luajturin e Football Manager. “Përmes tyre arrija të mësoja më shumë për futbollin dhe lojtarët. Nuk kam qenë kurrë i interesuar mbi lojërat ku ndeshjet i luan ti. Unë doja të isha në manager mode.” Është shprehur ai.
Në intervistën të cilën mund ta shihni më poshtë, Solskjaer thotë se shumë prej lojtarëve të tij kanë luajtur dhe FIFA dhe Football Manager dhe se sipas mendimit të tij kjo i ndihmon ata ta kuptojnë futbollin më mirë. Gjithsesi ne mendojmë se puna e tij reale do të jetë më interesante se ajo virtuale.
