Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Mbase Shroud kishte të drejtë
Ndoshta për shumicën prej nesh një karrierë në politikë do të ishte më fitimprurëse se një karrierë në videolojëra, por për një pjesë të caktuar njerëzish, faktet sugjerojnë të kundërtën. Duket se fitimet që disa njerëz kanë përmes esports ja kalojnë edhe atyre të politikanëve në pozita të presidentëve ose kryeministrave.
Gjatë kësaj jave u publikua një studim që krahasonte të ardhurat e 500 lojtarëve më të suksesshëm të espors me rrogën e përfaqësuesve politikë të shteteve të tyre. Sado që disa presidentë mbaheshin mjaft mirë me rrogën e tyre, ndonjëherë ajo dukej e ulët kur e krahasoje me fitimet e yjeve të esport-it.
Në 70% të vendeve që u morën për studim, lojtarët dolën që fitonin më shumë se presidentat e tyre. Jerax, një lojtar i Dota 2 kishte si fitime totale të karrierës së tij $2.3 milion në vitin 2018, teksa presidenti i tij, Sauli Niinistö, fitonte vetëm $141,367. Lojtarët e Dota në fakt dominonin listën në këtë studim.
Nga 20 vendet e përfshira në të, 80% e lojtarëve ishin veteranë të MOBA-s së Valve. Ky është një trend që duket se do të vazhdojë edhe në 2019, pasi prize pool-i për konkurimet e këtij vti po kap $30 milion. Kjo është edhe më shumë nga çfarë u arrit vitin e shkuar.
Le të mos flasim për Fortnite World Cup pastaj. Vetëm fituesi i këtij kompeticioni do të marrë $3 milion me vete. Një shifër kjo më e madhe se fitimet totale të karrierës së Jerax.
Fortnite gjithashtu ka hyrë në këtë studim. Pikërisht Turner ‘Tfue’ Tenney, nga Shtetet e Bashkuara ka $478,000 fitime në vitin 2018. Një shifër kjo më e lartë se rroga e presidentit Donald Trump prej $400,000.
Duke marrë parasysh se Tfue e ka njoftuar që do të largohet nga të luajturit nëpër kompeticione të Fortnite, nuk mendojmë se kjo gjë do të përsëritet vitin e ardhshëm. Plus pastaj të gjithë e dimë se kokat e shtetit nuk marrin aq sa deklarojnë në të vërtetë.
