Tfue do të bëjë një pushim të shkurtër nga streaming në Twitch

Ai ende nuk ka thënë se kur do të rikthehet

Streamer-i më i madh i Fortnite Turner “Tfue” Tenney duket se do të kalojë pak kohë vetëm. Ai ndihet “në kurth në një hapsirë me negativitet” dhe nuk është i lumtur pavarësisht se ka çdo gjë që mund të kërkojë. Prandaj ai do të marrë një pushim nga streaming, siç lajmëroi dhe fansat e tij sot.

Tfue nuk dha shumë detaje se sa kohë do t’i duhej për t’u rikthyer. Ai thjesht u sigurua se fansat e tij e kuptonin se nuk ishte i lumtur, edhe pse nuk dha asnjë detaj dhe për këtë. Më herët, Tfue bëri retweet një tjetër streamer Fortnite i cili shkruante se si i urrente turnamentet javore online të lojës, Cash Cups.

Streamer-a të tjerë i kthyen përgjigje tweet-eve të Tfue. Ish-partneri i tij në duo Dennis “Cloakzy” Lepore e mbështeti atë dhe shkruajti se Tfue ka vetëm dashuri nga personat që e rrethojnë. Të tjerë streamer-a dhe lojtarë profesionistë gjithashtu shprehën mbështetjen e tyre ndaj Tfue duke i thënë ta mbante kokën lart dhe gjithashtu duke mbështetur mendimin e tij për të bërë një pushim.

Pushimi i Tfue vjen në një kohë që ai duket i acaruar nga Fortnite. Ai ka thënë shumë herë se do e linte lojën, edhe pse kurrë nuk e bëri këtë gjë dhe thjesht provoi disa herë të luante lojëra të tjera si Minecraft. Edhe pse popullariteti i Fortnite po bie si tek lojtarët ashtu dhe te shikuesit në Twitch, kanali i Tfue ngelet një prej më të ndjekurve në këtë platformë.

Kjo është hera e parë që tfue bën një pushim nga streaming. Të vetmet herë të tjera që ai nuk ka bërë stream në Twitch kanë qënë kur ai u bë ban disa herë gjatë vitit të kaluar, një herë sepse shite account-e Fortnite dhe herën tjetër për shkak të sjelljes së tij në chat. Në një prej ban-eve të tij të fundit, Tfue humbi rreth 11,000 subscribers, thuajse gjysmën e atyre që kishte në atë kohë.

Nuk është e qartë se çfarë Tfue do të bëjë tani që po merr 1 pushim nga streaming. Ai me shumë mundësi do të qëndrojë larg Fortnite dhe kompeticioneve profesionale gjatë kësaj kohe, pasi ende nuk ka gjetur një treshe për të luajtur në Fortnite Champion Series pas ndarjes së tij me Cloakzy dhe 72hrs.