Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Universiteti i Oxford e përshkruan studimin si “një ndër më të saktët e kohëve të fundit“
Një studim i ri nga Oxford Internet Institute ka arritur në përfundimin se nuk ka asnjë lidhje midis kohës së shpenzuar duke luajtur videolojëra të dhunshme dhe rritjes në sjelljet agresive të adoleshentëve. I postuar në Royal Society Open Science, sipas Universitetit të Oxfordit, studimi është “ndër më të saktët dhe të pranuarit e kohëve të fundit“.
Edhe pse shumë studime të mëherëshme kanë arritur në konkluzione të ndryshme, një ndër kërkuesit kryesorë, prof. Andrew Przybylski tha se “ideja që videolojërat e dhunshme shtyjnë në agresivitet në jetën e përditshme është popullore, por diçka që ësht provuar vazhdimisht gabim.”
Sipas universitetit, ky studim ndryshon nga të mëparëshmit për shkak të pararegjistrimit, ku kërkuesit që donin të bëheshin pjesë duhet të postonin hipotezat, metodat dhe teknikën e analizimit para se të nisnin kërkimin.
“Pjesë e problemit në kërkimin teknologjik është fakti se ka shumë mënyra për të analizuar të njëjtat të dhëna, gjë që sjell përfundime të ndryshme,” thotë Przybylski. “Rezultatet e zgjedhura sipas dëshirës së kërkuesit mund t’i shtojnë vlerë të pamerituar panikut moral mbi videolojërat. Regjistrimi për të kryer studimin e parandalon këtë fenomen.”
Kjo teori u mbështet nga bashkautorja Dr. Netta Weinstein nga Universiteti i Cardiff që tha: “Zbulimet tona treguan se mendimet e kërkuesëve mund të kenë ndryshuar studimet e mëparëshme mbi këtë fushë, dhe kanë ndryshuar kuptimin tonë mbi efektet e videolojërave.“
Një kritikë e shpeshtë ndaj studimeve të mëparëshme në këtë fushë ishte mbështetja në mendimet vetjake. Megjithatë, ky studim përdor një kombinim të mendimit subjektiv dhe të dhënave e informacionit nga prindërit dhe kujdestarët.
Edhe pse nuk u gjet asnjë lidhje midis videolojërave dhe sjelljeve agresive tek adoleshentët, kërkuesit zbuluan se lojërat mund të provokojnë ndjenja dhe reagime agresive. “Me çfarë kemi vënë re, shohim shpesh që lojtarët flasin keq, tallen me njëri-tjetrin, por edhe janë kompetitive, sjellje që mund të quhen anti-sociale,” thotë Przybylski. “Kjo do të ishte një temë interesant për një kërkim të mëvonshëm“.
Në studim ishin pjesë 2008 adoleshentë britanikë të moshës 14-15 vjeç, së bashku me prindërit dhe kujdestarët e tyre. Ky kërkim vjen në një kohë vendimtare, pasi debati mbi dhunën në videolojëra është ndezur sërish, duke parë deklaratat e Presidentit të Shteteve të Bashkuara si dhe disa përfaqësuesëve amerikanë. Studimin e plotë, të titulluar “Përdorimi i videolojërave të dhunshme nuk është i shoqëruar me sjelljen agresive të adoleshentëve: një raport i regjistruar” mund të gjendet këtu.
