Një lojë e pazbuluar e Star Wars duket se është bërë leak përmes PSN

Një listim i Star Wars: Project Maverick mesa duket është shtuar në European PSN

Një videolojë e re Star Wars, ajo që nuk është shpallur zyrtarisht nga botuesi Electronic Arts, mund të jetë zbuluar falë një liste të bërë ‘datamine’ të PlayStation Store. Sipas llogarisë në Twitter, e cila drejtohet nga një bot që monitoron PlayStation Network të Sony për lëshimet dhe update-et e reja të lojërave në Playstation 4, një lojë e quajtur Star Wars: Project Maverick është në zhvillim.

Loja thjesht u postua si “Maverick”, sipas llogarisë në Twitter, por ishte bashkuar me art që zbulojnë një lojë të re të mundshme të Star Wars. Kjo vepër arti përmban një Imperial Star Destroyer të vetmuar dhe një flotë të vogël të avionëve luftarakë X-Wing, që nënkupton se projekti ka të ngjarë të zhvillohet rreth epokës origjinale të trilogjisë së Star Wars.

Vendi i asaj beteje ajrore duket të jetë Mustafar, faltorja e Darth Vader. Mustafar së pari u shfaq në Star Wars: Episode III – Revenge of the Sith, dhe është shfaqur në filma të shumtë dhe seriale të animuar.

Sipas një raporti të fundit, publikuesi Electronic Arts, i cili ka të drejta ekskluzive për të zhvilluar lojëra Star Wars, ka dy projekte të reja të Star Wars në zhvillim: një vazhdim i Star Wars Jedi: Fallen Order të Respawn dhe një projekt “më i vogël, më i pazakontë në EA Motive”. Motive Studios bashkë-zhvilluan Star Wars: Battlefront 2 dhe po punojnë në një projekt tjetër ende të pazbuluar Star Wars.