Reviews

Star Wars Jedi: Fallen Order Review – A është kjo mrekullia e Respawn?

Mbështesni GameON Albania duke përdorur kodin support-a-creator: GAMEONALBANIA

Tre vite kanë kaluar nga eksperienca e fundit single player e Respawn, kur ata lançuan first-person-shooter-in të tyre të suksesshëm, Titanfall 2,  e cila u vlerësua nga gamers për campaign-in e saj impresionues. Ndërkohë, për sa i përket Star Wars, kemi më shumë se 10 vite që nuk shohim një lojë të mirë single-player dhe ishte e nevojshme që kjo hapsirë të mbushej.

Duhet ta pranojmë se kur dëgjuam se Respawn do të zhvillonte lojën e ardhshme single-player Star Wars, u shokuam. Jo se nuk kishim besim tek një kompani që ka sjellë mjaft histori të mira në lojëra, por ideja e një kalimi nga një zhanër që ata e njohin shumë mirë si multiplayer FPS në një lojë aksion-aventurë third-person në botën e Star Wars dukej si diçka e madhe.

Tani që e kemi luajtur lojën, fillimisht duhet të vlerësojmë zhvilluesit e lojës dhe publikuesit e EA, të cilët ia besuan Respawn këtë lojë dhe i dhanë atyre lirinë e nevojshme. Skenaristët, programuesit, animatorët, i gjithë stafi i Respawn duket se kanë parë e kanë lexuar shumë.

Në zyra, në shtëpi, në kohën e lirë, vetëm ose me kolegët e tyre, duket fare qartë në këtë lojë se ata e kuptuan mjaft mirë universin e Star Wars dhe gjithçka brenda tij përpara se të krijonin këtë lojë. Me zgjedhje të kujdesshme, ata formuan këtë “puzzle”, duke marrë ide nga disa kryevepra të botës së gaming dhe duke i sjellë ato në universin e Star Wars. Star Wars Jedi: Fallen Order është padyshim një prej lojërave më të mira Star Wars deri më sot.

E para veçori e lojës që duhet vënë në dukje, e cila njëherësh është mbase dhe pika e saj më e fortë, është historia e lojës. Ajo është shkruajtur mjaft mirë dhe sado që ka vetëm pak personazhe, ju krijoni një lidhje mjaft të fortë me ta, për të cilët ju qeshni, qani dhe dëshironi të dini më shumë për jetët, të shkuarën e tyre si dhe marrëdhëniet dramatike që krijohen mes tyre. Megjithaët, e gjitha vjen në një formë që nuk është e lodhshme dhe mbetet brënda kornizave të universit të Star Wars.

Jedi: Fallen Order tregon një ngjarje që ndodh pesë vite pas ngjarjeve në Episode III: Revenge of the Sith dhe Order 66, që urdhëroi shkatërrimin e Jedi Order dhe ekzekutimin e tyre. I riu Cal Kestis, duke qënë një Jedi fillestar gjatë kësaj periudhe, detyrohet të lërë pas të shkuarën e tij dhe të udhëtojë drejt planetit Bracca, ku ai mbledh scrap nga aviona të vjetër. Ai heq dorë nga The Force dhe e fsheh identitetin e tij për vite me rradhë, për t’i shpëtuar urrejtjes dhe torturës së Empire dhe gjuetarëve të Jedi-ve, The Inquisitors. Megjithatë, i gjithë plani i tij prishet kur ai përpiqet të shpëtojë një shok dhe detyrohet të përdorë The Force.

Në udhëtimin e tij, protagonisti krijon aleanca me ish-Jedi Knight Cere Junda, pilotin Greez Dritus dhe gjithashtu me droidin e vogël dhe të adhurueshëm BD-1. Marrëdhënia midis Cal dhe BD-1 është në zemër të kësaj aventure, pasi është diçka e gjallë dhe e thellë, e cila evolon dhe ndryshon vazhdimisht, duke u përshtatur dhe me mekanikat e lojës. Respawn ka pasur një vizion shumë të qartë të asaj që ata duan të tregojnë dhe kjo duket menjëherë.

Që në fillim të lojës, lojtarit i tregohet qartë qëllimi i udhëtimit të tij dhe i kërkohet të qëndrojë besnik deri në fund. Këtu, fjala “fund” ka shumë rëndësi, pasi historia ka një fillim, zhvillim dhe një fund të qartë, pa devijime dhe pa plot twists të ndryshme në çdo cep. Kur arrini në minutat e fundit të lojës, ju jeni gati të jepni gjithçka në një luftim të fundit dhe të mbyllni historinë e lojës. Fallen Order është mbase një prej historive më të mira dhe më argëtuese në universin e Star Wars. Campaign-i i lojës zgjat rreth 20 orë, pasi ju gjithashtu duhet të ktheheni mbrapsht disa herë në lojë.

Për sa i përket gameplay-tFallen Order, gjërat janë shumë më të komplikuara, pasi Fallen Order merr ide dhe mekanika nga shumë lojëra të ndryshme. Megjithatë, loja gjithsesi e ruan identitetin dhe autenticitetin e saj dhe balancon shumë mirë mekanikat e lojtarit. Vëmendja që Respawn i ka dhënë detajeve dhe gjërave të vogla në çdo aspekt, duke filluar nga menutë e duke kaluar tek lightsabers, e kthen lojën nga disa mekanika të kopjuara në një krijim tërësish të ri dhe origjinal, që përzien shumë zhanre në një mënyrë unike.

Kur nisni campaign, ju kërkohet të zgjidhni vështirësinë e lojës dhe ju shpjegohet se çfarë eksperience do të keni. Një detaj mjaft interesant është një tregues që tregon se si do të ndikohen tre mekanikat kryesore të luftimit në lojë, të cilat janë parry, dëmi që bëjnë kundërshtarët dhe agresiviteti i kundërshtarëve.

Ju filloni lojën si një Jedi që ka vetëm pak vite që përdor The Force dhe nuk mund të përdorë teknika të avancuara. Lëvizjet gjatë minutave të para janë të limituara dhe nuk keni shumë mundësi zgjedhjeje. Duhet thënë se tutorialet e lojës mund të kishin qënë më të qartë dhe më të mira, pasi në fillim është e vështirë të fiksosh lëvizjet e personazhit tënd. Megjithatë, kur merr parasysh faktin se ti supozohet t’i mësosh lëvizjet me kalimin e kohës, kjo gjë dhe mund të falet.

Së bashku me faktin që HUD i lojës është thuajse inekzistent dhe lëvizjet e Cal janë pak të çuditshme, loja nuk duket shumë tërheqëse. Megjithatë, lëvizjet dhe kamera bëhen shumë më të shpejta dhe HUD i lojës do t’ju pëlqejë shumë.

Pasi kemi mbaruar kapitullin e parë dhe na është treguar qëllimi i udhëtimit tonë, loja na jep mundësi të provojmë strukturën e saj semi-open world nëpërmjet anijes Mantis, e cila na lejon të udhëtojmë nëpër planete. Planetet janë shumë të mëdha dhe fillimisht nuk mund të eksplorohen plotësisht.

Çdo planet ka kalime të fshehta dhe objekte që mund të mblidhen, nëpërmjet të cilave ju mësoni historinë e çdo planeti dhe ngjarjet që kanë ndodhur në të. Përveç kësaj, ju mund të gjeni cosmetics që të ndryshoni pamjen tuaj, të BD-1 ose të Mantis, kujtime që Cal mund t’i lexojë nëpërmjet The Force dhe t’i riprodhojë në mendjen e tij dhe shumë më shumë. Gjatë eksplorimit, ju merrni XP. Sa më i vështirë dhe i ndërlikuar të jetë zbulimi i një sendi në lojë, aq më shumë XP merrni ju si lojtar.

Lëvizja nëpër planete bëhet më e lehtë me anë të hartës 3D, e cila të tregon qartë se ku mund të shkoni dhe ku jo në një planet. Planetet kanë disa nivele në aksin vertikal, prandaj është shumë e nevojshme të dish nëse ka një kalim poshtë teje ose nëse jeni në katin e parë të një ndërtese të lartë. Navigimi nëpër planete lehtësohet nëpërmjet shortcuts si në lojërat Souls dhe Bloodborne, ku ju udhëtoni, por mund të ktheheni menjëherë mbrapsht aty ku ishit.

Gameplay i lojës ka një strukturë Metroidvania me elemente të shumta platforming. Duke qënë se disa pjesë të hartës janë të bllokuara fillimisht, lojtari duhet të zbulojë aftësi të reja dhe të kthehet të vizitojë vëndet ku më parë nuk mund të shkonte. Duhet thënë se loja nuk duket asnjëherë sikur ngadalësohet ose shpejtohet në asnjë aspekt, duke filluar nga aftësitë e Cal, tek upgrade-t e BD-1, level ups, skill points, fuqitë e The Force etj. Të gjitha janë lineare dhe të lidhura me historinë, por loja mbetet gjithmonë interesante dhe tërheqëse.

Asgjë në Fallen Order nuk ka një qëllim të vetëm. The Force dhe kthimi mbrapsht nuk ju ndihmojnë vetëm për të marrë trofe Platinum. Çdo fuqi që merrni vjen si pasojë e ngjarjeve që Cal kalon, duke u përpjekur të bashkohet me The Force dhe të gjejë veten e tij. Ju mund të dëshironi të eksploroni më shpejt dhe të zbuloni sekretet e lojës, por loja menjëherë ju kthen juve në ritmin e saj dhe ju tregon nëse jeni gati të merrni përsipër rreziqe specifike. Nevoja për t’u kthyer mbrapsht është një pjesë e rëndësishme e lojës dhe do të ndodhë herë pas here.

Ju duhet të kërkoni vazhdimisht për të zbuluar aftësi të reja. Çdo herë që zbuloni diçka nga historia e Cal, juve ju zbulohet në një mënyrë kinematike se pse ju duhet kjo aftësi. Herë të tjera, rreziku dhe frika nga e panjohura ju shtyn të ktheheni drejt të shkuarës tuaj. Kur dilni fitues, juve ju shpalosen mundësi të reja, të cilat në një nivel gameplay shfaqen si mundësi për t’u kthyer sërish në planete të mëparshëm.

Siç thamë dhe më lart, asgjë në Fallen Order nuk ka një qëllim të vetëm. Të gjitha mekanikat e lojës janë ripërdorur në një mënyrë që e bën lojën më interesante dhe e shtyn lojtarin të përdorë imagjinatën. Siç dihet, lightsaber është arma më e njohur për Jedi dhe Sith në universin në Star Wars. Por, si mund ta përdorim një lightsaber kur na duhet të kalojmë në një shpellë të errët.

Nëse nxjerrim shpatën, vëmë re se drita e saj ndriçon shpellën dhe çdo gjë mund të shihet më qartë. Në një nivel, loja na kërkon të përdorim The Force për të tërhequr kabllot nga tarraca dhe t’i lidhim ato, por gjithashtu mund t’i përdorim këto kabllo për të shkuar në vende sekrete. Nuk ka kuptim t’i zbulojmë këto sekrete, pasi ja vlen që ju t’i përjetoni ato vetë.

Pjesë e lojës është zgjidhja e puzzles. Fallen Order kërkon që lojtari të tregohet kreativ në mënyrën se si ai përdor sendet që ka në dispozicion. Disa puzzle janë mjaft interesantë, por disa të tjerë janë zhgënjyes. Pjesa e puzzle në lojë është në përgjithësi mediokre, por nuk ju duhet të shpenzoni shumë kohë me to. Ai që na ndihmon në zgjidhjen e tyre është miku ynë BD-1. Ndihma dhe miqësia e tij janë mjaft të vlefshme, pasi ai ju shëron dhe ju ndihmon.

Në çdo moment ju mund të flisni me BD-1 dhe t’i kërkoni t’ju tregojë një anekdotë ose t’ju këndojë. Ju mund ta pyesni atë nëse ndihet i sigurt ose i trëmbur dhe gjithashtu ju mund ta falenderoni që ai është pjesë e udhëtimit tuaj. Droidi flet në gjuhën e tij robotike, por Cal e kupton dhe kjo çon shpesh në disa momente komike. Momentet që ju kaloni me BD-1 janë mjaft argëtuese dhe padyshim e bëjnë udhëtimin tuaj shumë më interesant.

Tani ka ardhur koha të diskutojmë një tjetër element të rëndësishëm të lojës, betejat. Loja në përgjithësi nuk është e vështirë. Në vështirësinë standarte kundërshtarët janë kryesisht të lehtë ose mesatarisht të vështirë, por në disa pika bëhen ende më të vështirë. Fallen Order nuk është dizenjuar për të qënë një lojë e vështirë. Përjashtim bëjnë vetëm boss fights, të cilat kërkojnë durim, studim të lëvizjeve të tyre si dhe goditje strategjike, pasi nëse nxitoheni dhe godisni më shumë se ç’duhet, me shumë mundësi do të vdisni.

Nuk ka diçka të veçantë për të thënë për luftimet në lojë, pasi mekanikat janë shumë të ngjashme me ato të Dark Souls. Ju duhet të lëvizni dhe të ndiqni kundërshtarin, të shmangeni, ta godisni dhe nëse dëmtoheni, duhet të largoheni dhe të shëroheni me ndihmën e BD-1. Nuk ka asgjë të veçantë, por në përgjithësi variateti i kundërshtarëve, të rinj dhe të vjetër në botën e Star Wars, i bën luftimet mjaft argëtuese.

Ajo që bën diferencën në një lojë Star Wars është se si transmetohen betejat me lightsaber, zhurmat, lëvizjet dhe çdo gjë tjetër. Çdo gjë në Fallen Order ndihet vërtet si Star Wars. Efektet audio-vizuale, ndriçimi, ndjesia e lightsabers dhe goditjet me armë janë fantastike. Edhe pse lëvizjet e Cal duken pak të ngurta, kur sheh përbindësha dhe droids që ndahen në dy pjesë nga lightsaber-i yt, loja sjell një eksperiencë autentike Star Wars. Fatkeqësisht, krijesat njerëzore nuk priten dhe kjo mund të jetë pak e besdisshme për disa. Gjithashtu, AI në lojë nuk është totalisht perfekt.

Padyshim që dhe Force ka rolin e saj në luftime, edhe pse ajo është e limituar në tre lëvizje: tërhiq, shty dhe ngadalëso kohen. Edhe pse të pakta, ato janë të mjaftueshme për t’i bërë betejat më interesante. Fuqia juaj është e limituar, pasi ajo ulet sa herë që godisni një kundërshtar. Ju mund të ngadalësoni një stormtrooper ndërkohë që tërhiqni në droid dhe BD-1 sulet drejt kundërshtarëve, duke i hedhur përbindëshat në greminë ndërkohë që përballet me një purge trooper. Betejat në Fallen Order janë shumë argëtuese, tërheqëse dhe të mbushura me aksion, me mekanikat dhe gameplay-n e lojës që sjell tiparet më të mira nga filmat Star Wars.

Kundërshtarët që vrisni ju japin XP. Ju mund t’i përdorni XP në pika të ndryshme meditimi të shpërndara në hartë për të fituar aftësi të reja dhe për të qënë më të fortë në luftime. Skill Tree ndahet në tre kategori: Force, Lightsaber dhe Survival. Mënyra si subjekti i meditimi përcillet si mënyra e Cal për të mësuar përdorimin e The Force është një tjetër detaj fantastik i marrë nga universi i Star Wars.

Përveç përmirësimit të aftësive, pikët e meditimit mund të përdoren gjithashtu për t’u shëruar. Mekanika është e ngjashme me lojërat Souls, pasi ju ruani lojën, shëroheni, por kundërshtarët shfaqen sërish. Nëse vdisni gjatë luftimit, ju humbisni XP dhe progresin që keni bërë me aftësitë tuaj dhe riktheheni në pikën e fundit të meditimit. Më pas, ju duhet të gjeni personin që ju vrau dhe ta vrisni atë sërish për të rimarrë atë çka humbët. Përdorimi i llogjikës së Souls, duke ulur vështirësinë e lojës, e bënë atë më të akseueshme, por gjithsesi kërkuese.

Në aspektin teknik, duke qënë se loja është krijuar nga një studio e madhe, ajo nuk ka probleme dhe ndriçimi, teksturat dhe çdo gjë është fantastike. Ne e luajtëm lojën në PC dhe gjithçka dukej shumë e bukur.

Megjithatë, loja nuk bie në sy për aspektin e saj teknik sa bie për identitetin e saj. Çdo gjë në lojë të rikujton Star Wars. Çdo gjë që shikoni dhe dëgjoni i qëndron besnike serisë dhe loja vjen me vendendodhje autentike, planete t njohura, muzikë klasike dhe efekte të tjera zanore mjaft të njohura dhe të dashura.

Respawn ja ka dalë mbanë të krijojë një lojë të shkëlqyer, 100% besnike ndaj serisë Star Wars. Ajo ka një histori fantastike, e cila shërben si bazë për të gjithë projektin. Respawn ja ka dalë të sjellë personazhe mjaft interesantë, një histori të këndshme, një mbyllje fantastike, një një sistem tërheqës luftimi dhe përdorimi të The Force dhe gameplay me elemente platforming. Të vetmet aspekte negative janë bugs të vogla që nuk e dëmtojnë shumë eksperiencën tuaj dhe nisja pak e ngadaltë. Megjithatë, mos u shqetësoni, pasi Star Wars Jedi: The Fallen Order mbetet një lojë fantastike.