Spider-Man: Into the Spider-Verse mund të ketë një vazhdim

Të dhëna për një vazhdim të mundshëm po hidhen në Twitter.

Rreth një vit pasi Spider-Man: Into the Spider-Verse erdhi në kinema, Sony duket të jetë duke hedhur shenja drejt një vazhdimi të mundshëm të tij. Përmes një postimi në Twitter nga adresa zyrtare e Spider-Man: Into the Spider-Verse, të gjithë fansat janë të bindur që një njoftim i ri do të vijë për filmin.

“Something’s up. Our Spidey sense is tingling. RT if yours is, too,” Lexon postimi në Twitter.

Në vetëvete, e gjitha kjo mund të konsiderohet thjesht si një komunikim normal me fansat, por fakti që disa adresa të tjera të Sony kanë reaguar duke bërë reply, e bën situatën edhe më enigmatike.

Sony Pictures bëri reply me një emoji merimange, ndërkohë që vetë Sony zgjodhi emojin me një monokël për t’i trazuar pak pritshmëritë e fansave. Producenti i Spider-Verse, Chris Miller, gjitashtu reagoi ndaj postimit. Në fund Sony Pictures Animation thjesht i futi rradhë ca emoji merimangash, siç bëhet në këto raste dmth.

Lajmi për një vazhdim të Spider-Verse nuk vjen si ndonjë çudi e madhe në fakt. Fundja filmi u vlerësua nga kritika si një nga më të mirët e zhanrës së superheronjve dhe mori Oscar për Best Animated Feature Film.

Thashethemet që qarkullojnë gjithashtu sugjerojnë një spin-off me Hailee Steinfeld si Gwen Stacy. Gjithsesi derisa të kemi një farë konfirmimi zyrtar nuk mund të flasim me siguri, por duke gjykuar nga kjo situata e mësipërme me Twitter-in, diçka e re është e sigurt që do të vijë.