Sony shtyn eventin e PlayStaton 5 për shkak të gjendjes aktuale në SHBA

Kompania do që “të dëgjohen zëra më të rëndësishëm.”

Është një javë pak e vështirë për të gjetur entusiazmin për videolojërat nëse je një qytetar amerikan. Kjo për shkak të protestave masive mbi sjelliet brutale të policisë dhe rracizmit të treguar në vdekjen e George Floyd. Pasi EA vonoi sot eventin e Madden 21 edhe Sony njoftoi se eventi i zbulimit të PlayStation 5 në 4 qershor do të shtyhej në mënyrë që: “të dëgjoheshin zëra më të rëndësishëm.”

“Kemi vendosur që të shtyjmë eventin e PlayStation 5 të planifikuar për në 4 qershor,” shkruajti Sony nga adresa zyrtare e PlayStation në Twitter. “Teksa e kuptojmë pjesën që gamers anë e mbanë botës janë të emocionuar që të shohin lojërat e PS5, nuk mendojmë se tani është momenti i duhur për të festuar dhe për momentin duam të stepemi që të lejojmë të dëgjohen zëra më të rëndësishëm.“

Eventi i PlayStation 5 fillimisht ishte planifikuar për në datë 4 qershor dhe momentalisht Sony akoma nuk ka dhënë një datë të dytë se kur do të vazhdojë përpara me atë. Gjithsesi, ky duket të ketë qenë vendimi i duhur për kompaninë.

Një pjesë tjetër njoftimesh për lojërat janë programuarpër këtë javë dhe fundjavën e ardhshme, përfshirë IGN Expo, Guerilla Collective, Paradox Insider, PC Gaming Show dhe Future Gaming Show.

Më herët gjatë ditës së sotme, PlayStation postoi edhe një mesazh direkt mbështetjeje:

“Ne shprehemi kundër rracizmit sistematik dhe dhunës ndaj komunitetit zezak. Do të vazhdojmë punën drejt një të ardhmeje empatike dhe gjithëpërfshirëse dhe do të qëndrojmë krah krijuesve, lojtarve, punonjësje miqve dhe familjarëve tanë të zi. #BlackLivesMatter.”