Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
I gjithë emocioni fillestar për Apex Legends është shuar duhet ta pranojmë. Respawn Entertainment është treguar e ngdaltë në update-et e lojës dhe season pass-i i parë ishte zhgënjyes. Kombinimi i këtyre dy faktorëve ka qenë mjaftueshëm për të ulur pritshmëritë ndaj lojës. Rrjedhimisht streamer-at nuk merren më shumë me të dhe sa më pak të luhet aq më shumë do të humbet interesi në të. Është një cikël që thjesht vazhdon e vazhdon.
Sipas raportimeve të fundit shikimet në Twitch të Apex Legends kanë qenë në një rënie masive, ndërkohë që to të Fortnite e kanë ruajtur konsistencën. Pra loja që mendohej ta hidhte nga froni Fortnite, jo vetëm që nuk po e bën, por po qëndron me dy herë më pak shikues se ajo.
Kur Apex Legends u lançua, numrat e saj në Twitch ishin mbi ato të Fortnite, por ndoshta kjo ndodhi sepse loja ishte e re dhe EA po i paguante goxha streamer-at që ta luanin si lojë. Kjo peridhë ka ikur me kohë tashmë dhe në këtë pikë loja as nuk po duket më si një rivale e Fortnite.
Pyetja që lind tani është nëse Apex Legends mund ta rimarrë veten. Patjetër që po. Shumë njerëz e kanë shkarkuar si lojë dhe është vetëm çështje kohe përpara se interesi mbi lojën të rritet sërish. Gjithsesi koha është drejt fundit dhe Respawn do i duhet të veprojë shpejt nëse dëshiron të ketë ende një mundësi kundër Fortnite.
