Bëhen leak pamjet e para të Samsung Galaxy Fold 2

Leak-u erdhi në formën e një imazhi shumë të turbullt

Një foto e bërë leak shumë e turbullt e Samsung Galaxy Fold 2 është bërë leak online. Leaker-i Ice Universe publikoi dy foto të smartphone-it të ri, të cilat tregojnë se ai pritet të ketë një model gold dhe një kamera më të mirë. Nuk dihet ekzaktësisht se si do të jetë kamera mbrapa, por flitet që do të jetë e njëjta me Galaxy S20 Plus.

Imazhi i bërë leak gjitahshtu tregon pamjen nga përpara dhe ekranin e vogël të Galaxy Fold 2, por nuk dihet nëse ekrani është përmirësuar. Galaxy Fold kishte një ekran mjaft të vogël 4.6 inch përpara, ndërkohë që ekrani i madh kishte përmasa 7.3 inch. Flitet se Galaxy Fold 2 do të ketë një ekran 7.7 inch ose 8 inch.

Në përgjithësi, Galaxy Fold 2 duket mjaft i ngjashëm me versionin e parë. Galaxy Fold pati probleme të shumta me rezistencën, gjë që çoi në shtyrjen e lançimit të smartphone-it, por edhe versioni i ri kishte probleme.

Flitet se Galaxy Fold 2 do të jetë më i lirë dhe do të ketë më pak memorie. Galaxy Fold niste me  një çmim prej $1,980 dhe telefonat e palosshëm padyshim që do të përfitonin nga një çmim më i lirë.

Pritet që të mësojmë më shumë rreth Samsung Galaxy Fold 2 në eventin e Samsung më 5 gusht. Aty pritet të lançohen Galaxy Note 20, Galaxy Buds Live, Galaxy Tab S7, Galaxy Watch 3 dhe një version 5G i Galaxy Z Flip.