Riot Games ka bërë hotfix Yuumi vetëm një ditë pas lançimit të saj

Macja Magjike kishte përqindjen e fitoreve më të ulët nga çdo kampion në lançimin e tyre

Kampioni më i ri i League of Legends, Yuumi, ka qenë tema më e diskutuar në lojë këto ditë, por për arsyet e gabuara. Macja Magjike ka vetëm një ditë që është lançuar, por lojtarët kanë filluar që tani të ankohen për aftësitë e saj dhe faktin se ajo është shumë, shumë e dobët. Prej gjithë kësaj zhurme, Riot Games ka vendosur t’i bëjë asaj një hotfix për të rregulluar disa prej problemeve të saj.

Dizenjuesi kryesor i lojës në Riot Games, Stephen “Mortdog” Mortimer iu përgjigj një tweet-i drejtuar atij dhe disa punonjësve të tjerë të Riot i cili thoshte se Yuumi ishte tmerrësisht e dobët. Mortdog tha se njerëzit duhet të presin pak, sepse një hotfix do të vinte në lojë për kampionin.

Ekipi i Riot bëri buff dëmin dhe slow-n e Q, shërimin e E, dëmin e Ultimate si dhe pasiven e saj. Pra, shkurtësisht, u bë buff çdo gjë. Këto ndryshime pritet që t’i japin Yuumi-t mjaftueshëm forcë për të përballuar laning, por edhe forcë në fazat e mëvonshme të lojës. Megjithatë, kjo përqindje fitoresh kaq e ulët mund të jetë dhe simptomë e faktit se lojtarët nuk po e luajnë kampionin si duhet, edhe pse në pamje të parë Yuumi kishte dobësi vërtet të dukshme të cilat duhet të përmirësoheshin.