Si të rekrutoni operativët më të mirë në Watch Dogs Legion?

Cilat janë mënyrat më të mira për të rekrutuar grupin më të mirë në Watch Dogs Legion?

Në fillim të Watch Dogs Legion do t’iu duhet të riorganizoni nga fillimi DedSec që është një grup hacker-ash të cilët kanë si qëllim të luftojnë krimin e krijuar në Londër. Për ta berë ketë gjë, ju duhet të rekrutoni njerëz të ndryshëm në grupin tuaj të cilët kanë aftësi dhe talente të ndryshme.

Qyteti i Londres në Watch Dogs ka një total prej 9 milion banorësh dhe kjo ndoshta mund t’ua bëjë pak të vështirë gjetjen e njerëzve të duhur. Por mos u shqetësoni pasi ne kemi sjellë një guide që mund t’iu ndihmojë si të rekrutoni operativët më të mirë në lojë.

Cilin duhet të zgjidhni?

Pas tutorial do t’iu shfaqet një listë me kandidatë të cilët mund t’i rekrutoni dhe ku do t’iu duhet të zgjidhni vetëm një prej tyre në mënyrë që të vendosni përsëri në punë DedSec. Këtu do t’iu duhet të zgjidhni një karakter i cili do t’iu ndihmojë dhe do t’iu hyjë në punë gjatë këtij misioni të gjatë.

Secili prej banorëve të Londrës ka një kombinim të veçantë të aftësive, pajisjeve, makinave dhe armëve. Aftësitë mund të jenë gjithçka duke filluar nga uljet në dyqanet e rrobave dhe deri tek përmirësimet kur bëni hack. Gjithashtu disa prej tyre shkaktojnë më shumë dëme ose ulin kohën e qëndrimit në arrest ose spital.

Pajisjet variojnë nga spiderbots dhe deri në drona ose mina shpërthyese. Ju mund t’i përdorni shpesh për të arritur në vende të ndryshme ose për të eliminuar kundërshtarët tuaj. Me shumë collectibles nëpër botën e Watch Dogs Legion, spiderbot do t’iu duhet ta keni gjithmonë me vete.

Makinat mund t’iu hyjnë shpesh në punë. Në vend që të kërkoni për një makinë që iu përshtatet në rrugët e Londrës, ju mund ta gjeni atë menjëherë.

Mund të mendoni se armët janë pjesa kryesore e lojës por që në fakt kjo nuk është e vërtetë pasi ato mund t’iu shkaktojnë shumë probleme. Shumica e karaktereve kanë një armë zjarri prandaj do t’iu duhet të kërkoni për armë të cilat nuk tërheqin vëmendje.

Karakteri juaj i parë duhet të jetë i thjeshtë dhe që do t’iu ndihmojë dhe do t’iu hyjë në punë në misionet tuaja të para. Nëse dëshironi një karakter që iu lejon ta përdorni në çdo mision, përpiquni të gjeni dikë që ka aftësi hacking ose stealth. Gjithashtu mos u shqetësoni shumë nëse vdisni. Edhe nëse e keni opsionin permadeath të aktivizuar, ky opsion nuk do të ketë efekt gjatë misioneve të ardhshme.

Çfarë duhet të zgjidhni?

Pasi të plotësoni misionet e para, ju do të keni mundësinë të rekrutoni njerëz të ndryshëm të cilët do t’i bashkohen grupit tuaj. Si fillim përpiquni të gjeni karaktere me aftësi, pajisje dhe armë të ndryshme dhe ftojini ata në grupin tuaj.

Duke berë ketë gjë, ju do t’iu shfaqet një mision ku personi që dëshironi të rekrutoni iu kërkon të bëni diçka për ta. Këto misione janë të thjeshta për t’u plotësuar dhe nuk do t’iu shpenzojnë shumë kohë dhe pas plotësimit të tyre ju do të keni një person të ri në grupin tuaj.

Por kjo nuk është e vetmja mënyrë për të rekrutuar njerëz në Watch Dogs Legion. Nëpër rrugët e qytetit do të gjeni  qytetarë të cilët po bezdisen nga policët. Duke i ndihmuar këta persona, ju do të mund ti rekrutoni ata pa asnjë mision shtesë. Por duhet të keni kujdes pasi nëse vendosni të sulmoni policinë duhet të krijoni një rrugë shpëtimi.

Cilët duhet të zgjidhni?

Të gjithë karakteret në lojë kanë aftësitë e tyre që mund t’iu ndihmojnë në shumë mënyra por disa të tjerë kanë disa aftësi të veçanta. Rastësisht në rrugë ju mund të shikoni shumë njerëz dhe ndonjëherë mund t’iu zënë sytë një person me një pikë jeshile mbi kokë. Këta janë karaktere të rralla që duhet ti rekrutoni menjeherë ose ti vendosni në listën e rekrutimeve nëse nuk keni kohë.

Të gjithë personat me pikën jeshile mbi kokë mund të jenë drejtues proteste, anarkist ose mjekë të cilët mund të ndihmojnë grupin tuaj në shumë mënyra. Teksa shikoni profilin e tyre, do t’iu shfaqen edhe buffs që ky person mund t’i jap grupit tuaj si Spy Watch ose kostume të cilët iu mundësojnë të hyni në zona të veçanta.

Si duhet të zgjidhni?

Londra është një ndër qytetet që ka njerëz nga pothuajse e gjithë bota duke i bërë të gjitha ata të ndryshëm dhe kjo gjë iu ndihmon shumë në lojë. Nëpër misione të ndryshme do t’iu duhet ndonjëherë të mos viheni re duke përdorur një hacker dhe në misione të tjera duhet të luftoni me këdo. Kjo është pjesa ku ju duhet të përmirësoheni.

Përpiquni të krijoni një grup me aftësi, pajisje dhe armë nga më të ndryshmet në mënyrë që të kryeni me sukses çdo mision. Loja iu ofron mundësinë që misionet t’i kryeni në mënyra të ndryshme por do t’iu duhet që ti zgjidhni me kujdes operativët të cilët do të përdorni nëpër misione të ndryshme.

Nëse ndodh që nuk keni një karakter që të përshtatet me misionin e radhës, dilni dhe patrulloni rrugët e Londrës në kërkim të karaktereve që mund t’iu ofrojnë aftësi të ndryshme. Përpiquni të krijoni të grup që të ketë aftësi, pajisje dhe armë nga shumëllojshme.

Gjithashtu mos harroni ndiqni lajmet e fundit rreth Watch Dogs Legion dhe të ndiqni review tonë rreth kësaj loje.