Reagimet e para të The Witcher janë fantastike: “e bën GoT të duket si dy pijanecë që po zihen”

“Ky serial ka një shpirt të tijin.”

Reagimet e para për serialin e shumëpritur të Netflix, The Witcher, janë publikuar dhe deri më tani, askush nuk ka patur një llaf të keq për të thënë. Ka patur disa njerëz fatlume, që kishin mundësi të shikonin paraprakisht serialin, që ka Henry Cavill si protagonist në rolin e Geralt of Rivia.

Ata që kanë reaguar e kanë komplimetuar shumë serialin për skenat e tij të betejës, ritmin dhe performancën e Cavill.

“Pashë pamjet e para për The Witcher të Netflix dhe duhet ta pranoj që po më pëlqen shumë.” Ka shkruajtur një kritikë. “Do të kem më shumë gjëra për të dhënë pasi ti bjerë e gjithë embargoja, por ç’është e vërteta, përzgjedhja e kastit është e mirë, është strukturuar në një mënyrë të zgjuar dhe seriali ka ritëm të mirë. Është një përmbajtje fantazie e mirë.”

Një tjetër ka shtuar: “Po shikoj pamjet e para të The Witcher. Do e pranoj, që si një fans i madh i librave, isha pak i shqetësuar, por Hissrich ka bërë një punë fantastike me këtë histori. Edhe përzgjedhja fantastike e kastit e ndihmon shumë! Henry Cavill pastaj,… wow.”

Shumë të tjerë e kanë krahasuar shfaqjen edhe me Game of Thrones, duke sugjeruar se skenat e luftimeve në The Witcher ishin shumë më superiore. Një prej shikuesve shkruan:

“Do e them këtë. Skenat e luftimeve në The Witcher i bëjnë ato të Game of Thrones të duken si dy pijanece që po zihen jashtë një lokali.”

Një person i tretë shtoi: “Kam parë dy episodet e para dhe mund të them: skena më e mirë e luftimit me shpata që kam parë. Kam qeshur dhe qarë dy herë deri tani. Pa merak, sepse keni bërë një punë fantastike. Ky serial ka një shpirt të tijin. Mezi po pres të shoh pjesën e mbetur.”

The Witcher do të vijë në Netflix në 17 dhjetor.