Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
PUBG ka arritur mbi 60 milionë kopje të shitura
PlayerUnknown’s Battlegrounds, ose ndryshe PUBG, u bë një fenomen duke lançuar zhanrin e suksesshëm të battle royale. Megjithatë, suksesi i lojës është zbehur pasi lojëra si Fortnite, Apex Legends dhe Black Ops 4 e kanë bërë PUBG të mos jetë më në qendër të vëmendjes. Megjithatë, edhe pse loja e cila prezantoi zhanrin battle royale ka qënë në rënie, ajo ende po vazhdon të shitet.
PUBG ka shitur 10 milionë kopje gjatë 18 muajve të fundit në PC dhe konsola. Shitjet totale të lojës kanë arritur në 60 milionë sipas analistëve, një rritje nga shifra prej 50 milionë që raportuan zhvilluesit e PUBG Corp në qershor të 2018.
Nuk e dimë se si ndahen këto shifra sipas platformave, por versioni për Xbox One i PUBG erdhi në Early Access në dhjetor të 2017, ndërsa versioni i plotë për PlayStation 4 erdhi në dhjetor të 2018. Në Steam, numri i lojtarëve të PUBG e bëjnë atë të jetë ende një prej tre lojërave më të luajtura në Steam, së bashku me CS:GO dhe Dota 2.
Por këto shifra nuk marrin parasysh PUBG Mobile, e cila është shkarkuar mbi 600 milionë herë dhe sipas analistëve, do të kalojë mbi $1 miliardë fitime jashtë Kinës.
Suksesi i PUBG ka ndryshuar rrugën e lojërave multiplayer gjatë viteve të fundit dhe efekti i saj pritet të vihet re edhe në vitet në vijim.
