Si të merrni një pet falas në Genshin Impact?

Eventi më i fundit i Genshin Impact ka ardhur dhe ai quhet Lost Riches. Ky event do të sjellë një mal me gjëra të reja për lojtarët në mënyrë që ata t’i mbaj të zënë. Një prej veçorive të reja është se tashmë ju mund të merrni një pet i cili mund të merret falas duke ndjekur hapat e mëposhtëm.

Eventi Lost Riches sjell shumë gjëra për lojtarët ndër të cilët mund të përmendim Primogems, Mora, character experience dhe një pet ku të gjitha këto do të jenë pothuajse falas. Ju do të keni mundësinë që të merrni një prej tre pet që iu janë ofruar të cilët quhen Mini Seelie dhe do të mund ta merrni vetëm gjatë këtij eventi.

Si të merrni një Mini Seelie pet falas në Genshin Impact?

Si fillim në mënyrë që të merrni pjesë në event do t’iu duhet të jeni Adventure Rank 20 ose më shumë dhe të keni plotësuar quest “The Outlander Who Caught the Wind”. Nëse ju i plotësoni kushtet e mësipërme vazhdojmë me hapat që duhet të ndiqni për të marrë pjesë në eventin Lost Riches.

1. Takohuni me Ulman i cili ndodhet në zonën e Stone Gate dhe flisni me të
2. Më pas hapni event page për të parë vendndodhjet e thesareve.
3. Shkoni tek vendndodhja e thesarit për të marrë shpërblimin tuaj.

Dy vendndodhje thesaresh të reja do të shtohen çdo ditë gjatë gjithë eventit. Fatmirësisht, gjetja e thesareve do të jetë tepër e lehtë falë Treasure-Seeking Seelie. Ky Seelie do t’i jepet çdo lojtari dhe do t’iu ndihmojë të zbuloni vendndodhjet e thesareve. Sa herë që të ndodheni afër një thesari, Treasure-Seeking Seelie do të fillojë të ndriçojë.

Gjetja e çdo thesari do t’iu shpërblejë me Iron Coins të cilat mund t’i përdorni për shpërblime të ndryshme tek Event Shop. Ju mund të zgjidhni midis tre Mini Seelie pets të ndryshëm të cilët janë Dayflower, Rose dhe Curcuma ose të blini gjëra të tjera që loja iu ofron. Gjithashtu mos harroni t’i hidhini një sy personazheve më të mirë four-star.