Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
PES arrin të marë kampionatin kryesor të UEFA nga duart e FIFA
Pas shumë vitesh dominancë nga FIFA, duket se bota e lojërave të futbollit po tundet nga themelet e saj, sidomos duke patur parasysh se asnjë lojë ende nuk është lançuar. Pro Evolution Soccer, e zhvilluar nga Konami, duket se është rikthyer këtë vit më fuqishem se kurrë, duke rihapur një luftë që nuk kishte kohë që nuk shihej midis këtyre dy lojërave.
Kjo luftë filloi fillimisht pasi PES morri të drejtat ekskluzive të Juventus, duke bërë që FIFA 20 të detyrohet të përdorë në vend të gjigandit italian Piemonte Calcio. Ndërkohë, ditën e djeshme FIFA zyrtarizoi një bashkëpunim me Bundesliga, i cili do të përfshinte në lojë stadiume të reja, fytyra të skanuara të lojtarëve, si dhe pamjet zyrtare të transmetimeve. Ky lajm erdhi vetëm pak orë pasi Konami konfirmoi zyrtarisht se do të kishte licensën e plotë të Serie A. Por tashmë një goditje tjetër ka ardhur.
Të drejtat e dy prej kampionateve më të mëdha ndërkombëtarë, Kupës së Botës dhe Kampionatit Europian kanë vite që janë në dorë të FIFA dhe EA. Megjithatë, duket se kjo do të ndryshojë këtë vit, pasi Euro 2020 do të vijë si DLC në eFootball Pro Evolution Soccer 2020.
DLC pritet të vijë pak para fillimit të Kampionatit Europian dhe do të sjellë në lojë mbi 50 ekipe, ku padyshim do të jenë kampionët e Portugalisë, por me shumë mundësi dhe Shqipëria e Kosova. Së bashku me ekipet zyrtare do të vijnë dhe logot, uniformat dhe lojtarët.
Guy Laurent-Epstein, drejtori i marketingut për UEFA tha: “Jemi shumë të lumtur për të vazhduar dhe zgjeruar bashkëpunimin tonë me Konami. UEFA Euro 2020 na jep një mundësi për të ndërtuar një marrëdhënie edhe më të afërt, si dhe na jep mundësinë ta përdorim atë për të sjellë më shumë gjera tek fansat tanë në mbarë botën.”
Fakti që ky update do të vijë si DLC dhe jo si një lojë tjetër padyshim që do t’i gëzojë fansat në botë dhe kjo nuk është e vetmja arsye. Së bashku me DLC, Konami dhe UEFA lajmëruan se do të organizojnë gjithashtu një kampionat esports bazuar tek tournament-i, me ekipe kombëtare nga shumë vende të Europës që do të kenë mundësi të shpallin nga një përfaqësues për fazat kualifikuese, përpara se 16 ekipet më të mira të përballen live në Londër, pasi të zhvillohen gjysmëfinalet e kampionatit.
PES 2020 do të vijë në PS4, Xbox One dhe PC në 10 shtator, 2 javë përpara FIFA 20. DLC e Euro 2020 pritet të vijë rreth prillit-majit dhe duket se do të jetë tërësisht falas për çdo lojtar.
