Zbulohen pamjet e para të Dune nga Denis Villeneuve

Janë postuar imazhet e para për adaptimin e Dune nga Denis Villenevue. Këtu mund të shohim pamjet e para në botën armiqësore të Arrakis, planeti i ilustruar në novelën fantastiko-shkencore të Frank Herbert në 1965, me të njejtin emër.

Të veshur me një parzmore të trashë të njohur si “stillsuits”, kasti i Dune ka duruar temperatura deri në 48 gradë C në vendndodhjen e xhirimit në dalje të Abu Dhabi në Emiratet e Bashkuara Arabe. Timothée Chalamet është protagonisti në rolin e Paul Atreides, një anëtar i ri i familjes mbretërore, që lufton për të mbrojtur vendin e tij nga armiqtë.

Në këtë foto Paul po shikon tutje në horizont me të ëmën e tij, Lady Jessica (Rebecca Ferguson). Ajo dhe babai i Paul, Duke Leto (Oscar Isaac) vendosin të zhvendosin familjen e tyre nga shtëpia e tyre në Arrakis, që të mund të mbikqyrin nxjerrjen e “spice” një resurs shumë i vlefshëm i planetit. Anëtarë të tjerë të kastit përfshijnë Jason Momoa si Duncan Idaho, Zendaya si Chani dhe Sharon Duncan-Brewster si Dr. Liet Kynes, një rol që fillimisht ka qenë mashkull, por që është shkruar të jetë femër.

Në të shkuarën shumë regjizorë kanë tentuar të sjellin adaptime të Dune në ekran. Alejandro Jodorowsky e provoi në 1970, por projekti u anulluar dhe le të mos harrojmë Dune të David Lynch në 1984. Gjithsesi, deri më tani asnjë nuk e ka goditur siç duhet.

Villeneuve, i njohur në fushën e fantashkencës me punime si Arrival dhe Blade Runner 2049 duket të jetë personi i duhur për këtë. Ai ra dakord ta punonte projektin vetëm nëse mund ta zgjeronte materialin në disa filma. Në një intervistë ai u shpreh se:

“Është një libër që trajton politikën, fenë, ekonominë, spiritualitetin dhe që ka shumë personazhe. Mendoj se kjo është arsyeja pse është e vështirë. Sinqerisht është deri më tani gjëja më e vështirë që kam bërë në jetën time.”