Një remaster i Battlefield 3 mendohet të jetë në punë e sipër

Më herët gjatë kësaj jave Electronic Arts postoi update-in final për Battlefield V. Një vazhdim i lojës është në punë e sipër për 2021, por një thashethem i ri sugjeron se një version remastered i Battlefield 3 është gjithashtu planifikuar për tu lançuar në të njejtën kohë.

Leak-u në fjalë është raportuar nga disa burime të ndryshme dhe sado që nuk garanton sigurinë e plotë të tij, tregon se thashethemi ka kaluar disa raunde, ndaj mund të jetë një leak i besueshëm. Nëse kjo gjë rezulton të jetë e vërtetë, do të jetë një lajm shumë emocionues për fansat e Battlefield që po kërkojnë të luajnë diçka në të ardhmen.

Sipas këtyre burimeve, Battlefield 3 remaster do të të lançohet bashkë me lojën tjetër të serive, pak a shumë siç remasteri i CoD: Modern Warfare erdhi përkrah Infinity Warfare. Të dy leakers që e kanë publikuar këtë informacion kanë patur disa herë të drejtë në të shkuarën. Ky remaster pritet të vijë në konsolat e gjeneratë së ardhshme. Nëse një version remastered do të vijë edhe për PlayStation 4 dhe Xbox One, mbetet të shohim.

Battlefield 3 fillimisht u lançua në 2011 në PC, Xbox 360 dhe PlayStation 3. Loja  mori reviews të mira për komponentin multiplayer të saj. Sado që Battlefield V është e bazuar në Luftën e 2 Botërore, Battlefield 3 zhvillohej në një periudhë më moderne.

Momentalisht është e pamunudur të themi se kur do të vijnë informacione të reja rreth serive të Battlefield. Prezantimi i EA Play Live do të mbahet në 18 qershor, ndaj me shumë mundësi do të kemi më shumë informacione në atë pikë.