Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Libri sjell këshilla mbi gaming, duke theksuar argëtimin dhe përgjegjshmërinë.
E mbani mend atë kohën kur Ninja tha se do të nxirrte një libër? Ai libër është publikuar tashmë. Sigurisht që Tyler Blevins është mëse i kualifikuar për të shkruajtur një libër rreth industrisë së gaming, por nëse po prisni ndonjë guidë se si të bëheni të famshëm ose të pasur, do të zhgënjeheni, pasi libri është i mbushur me këshilla të sinqerta dhe reflektima inteligjente mbi gaming.
Ninja ka 45 milion followers përgjatë platformave të ndryshme dhe së fundmi bëri dhe një marrveshje me Microsoft për të bërë stream ekskluzivisht në Mixer. Me miliona fansa e shohin atë si idhullin e tyre dhe libri i tij i këshillon ata në mënyrë praktike mbi hapat që duhet të ndjekin për të arritur aty ku ata duan.
Ninja: Get Good ndahet në gjatë kapituj që merren me pjesët kyçe që duhen për të qenë një gamer i mirë, një streamer i zoti ose një profesionist në esports. Kapitulli i parë i dedikohet ndërtimit të një setupi të mirë për gaming. Këtu Ninja qëndron modest dhe fokusohet vetëm në elementët vërtetë të nevojshëm për një lojtar.
Këshillat praktike janë diçka që qëndrojnë përgjatë gjithë librit. Kapitulli “Power Up” është me sugjerime për ndërtimin e aftësive mekanike për të gjitha lojërat, jo vetëm Fortnite ose lojëra të tjera që mund ta kenë bërë Ninja të famshëm.
Në kapitullin e pestë të librit: “Blow Up,” Ninja flet për krijimin e një stream-i argëtues. Përmendja e emrit të Twitch lart e poshtë është pak e sikletshme, kur merr parasysh situatën e tanishme, por informacioni i dhënë është prapë i dobishëm.
Sipas Ninja, ky libër është “një enciklopedi për gamerat”. Gjithsesi pjesa që ja vlen në këtë libër qëndron në faktin se Ninja thekson gjatë gjithë kohës se sa e rëndësishme është të argëtohesh, por njëkohësisht të jesh i përgjegjshëm kur luani lojëra.
Libri i Ninja nuk ka si qëllim t’ju mësojë se si të bëheni të famshëm ose si të bëheni si ai, por ka si qëllim që t’ju shtyjë në drejtimin e duhur nëse jeni të pasionuar për të tilla gjëra. Libri është tashmë i disponueshëm online nëse doni ti hidhni një sy.
